مامىر ايىنداعى مەرەكەلەرگە وراي دەمالىس كۇندەرىنىڭ اۋىسۋى تۋرالى قاۋلىعا پرەمەر مينيستر كارىم ءماسىموۆ قول قويعانىن حابارلادى “tengrinews.kz”. قاۋلىعا ساي 4 مامىرعا سايكەس كەلەتىن جەكسەنبى دەمالىس كۇنى 2014 جىلدىڭ 2 مامىرىنا اۋىستىرىلدى. سونداي-اق 11 مامىر جەكسەنبى دەمالىس كۇنى 2014 جىلدىڭ 8 مامىرىنا، ياعني بەيسەنبى كۇنىنە الماستىرىلعان. ءسويتىپ، قازاقستاندىقتار 1-3 مامىر ارالىعىندا جانە 7-10 مامىر ارالىعىندا دەمالاتىن بولدى.  كۇندەلىكتى ءوندىرىستى قارجىلىق، ماتەريالدىق ونىمدەرمەن قامتاماسىز ەتەتىن كەيبىر ۇجىمدار، باسقا دا قىزمەت كورسەتۋ سالالارى كاسىپوداق مەكەمەلەرىنىڭ كەلىسىمىمەن 2014 جىلدىڭ 2-8 مامىر ارالىعىندا جۇمىس ىستەي الاتىنى دا قاۋلىدا ايتىلعان. ەستەرىڭىزگە سالساق مامىر ايىنىڭ العاشقى ون كۇنىندە 1 مامىر “حالىقتار بىرلىگى كۇنى”، 7 مامىر “وتان قورعاۋشىلار كۇنى” جانە 9 مامىر “جەڭىس كۇنى” سياقتى ءۇش بىردەي مەملەكەتتىك مەرەكە بار.

اباي-اقپارات