قازاقستان حالقىنىڭ 65,6 پايىزىن قازاقتار قۇرايدى. بۇل تۋرالى بۇگىن قر ستاتيستيكا اگەنتتىگىنىڭ باسشىسى ءاليحان سمايىلوۆ ءمالىم ەتتى دەپ حابارلايدى "قازاقپارات". 

«جىل باسىنداعى دەرەكتەرگە سايكەس، قازاقستان حالقىنىڭ 65,6 پايىزىن قازاقتار، ال ورىستار - 21,5, ۋكرايندىقتار - 4,8, وزبەكتەر - 3, ۇيعىرلار - 1,4, تاتارلار - 1,2, نەمىستەر - 1,1 پايىزدى قۇرايدى. بۇل ەلىمىزدەگى ۇلەس سالماعى 1 پايىزدان اساتىن ۇلتتاردىڭ كورسەتكىشى»، - دەدى ول.

سونىمەن قاتار ول سولتۇستىك قازاقستان حالقىنىڭ 34,2 پايىزىن قازاقتار، 49,9 پايىزىن ورىستار، 4,5 پايىزىن ۋكرايندىقتار، 3,5 پايىزىن نەمىستەر قۇرايتىندىعىن اتاپ ءوتتى.

«ال پاۆلودار وبلىسىنداعى قازاقتاردىڭ ۇلەس سالماعى - 49,8, ورىستاردىكى - 37,2, ۋكرايندىقتار - 4,8, نەمىستەر - 2,8 پايىزدى، قوستاناي وبلىسىندا قازاقتار - 38,8, ورىستار - 42,1, ۋكرايندىقتار - 8,9, نەمىستەر - 3,2 پايىزدى قۇرايدى»، - دەدى ءا.سمايىلوۆ.

ونىڭ اتاپ وتۋىنشە، ەلىمىزدىڭ سولتۇستىك وڭىرلەرىندەگى قازاقتار سانى تابيعي ءوسىم مەن كوشى-قون ەسەبىنەن ارتىپ كەلەدى.

اباي-اقپارات