رەسەيدىڭ ۆيتسە-پرەمەرى دميتري روگوزين وتكەن جۇمادا بولعان «قۋاتتى بولۋ: رەسەيدىڭ ۇلتتىق قاۋىپسىزدىگىنىڭ كەپىلى» اتتى عىلىمي-پراكتيكالىق كونفەرەنتسيادا سويلەپ: «اقش ءبىزدىڭ يادرولىق الەۋەتىمىزدى بىرنەشە ساعاتتا جويىپ جىبەرە الادى» - دەپ اقش-پەن بولاتىن سوعىستىڭ رەسەي ءۇشىن مەيلىنشە قايعىلى سۋرەتىن سىزىپ بەردى. بۇدان باسقا ول رەسەيگە قاتەردىڭ بەس ءتۇرىن اتاپتى. «كەيبىر بازالىق تەحنولوگيالار بويىنشا ەلدىڭ باتىستان كەنجەلەۋى ونداعان جىلمەن ەسەپتەلەتىنىن» مويىنداپتى.  «سوڭعى ون جىلدان اسا ۋاقىت ىشىندە اقش جاھاندىق جاسىنداتا سوققىلاۋ تۇجىرىمداماسىن ازىرلەۋدە. بۇل تۇجىرىمداما يادرولىق ەمەس قارۋمەن پلانەتانىڭ كەز كەلگەن نۇكتەسىن ءبىر ساعات ىشىندە سوققىلاۋدى قاراستىرادى»، — دەيدى روگوزين. «بىلتىرعى جىلدىڭ سوڭىندا پەنتاگوندا وتكەن سوعىس ويىنىنىڭ ناتيجەسىنە قاراعاندا، 3,5—4 مىڭ اسا ءدال قارۋمەن اقش 6 ساعات ىشىندە قارسىلاستىڭ نەگىزگى ينفراقۇرىلىمدىق نىساندارىن جويىپ، ونىڭ قارسىلاسۋعا مۇرشاسىن كەلتىرمەيتىنى ءمالىم بولىپ وتىر، — دەپ دىزاقتادى رەسەيلىك ۇكىمەت باسىنىڭ ورىنباسارى.

دمي́تري ولە́گوۆيچ روگو́زين (1963, موسكۆا) —ديپلومات، فيلوسوفيا عىلىمدارىنىڭ دوكتورى. 2011 جىلدان بەرى رەسەي ۇكىمەتى توراعاسىنىڭ ورىنباسارى، ۇكىمەت جانىنداعى اسكەري-ونەركاسىپ كوميسسياسىنىڭ  توراعاسى، ۇكىمەتتىڭ تەڭىز القاسىنىڭ ءتورباسشىسى، رف مەملەكەتتىك شەكارا كوميسسياسى مەن ەكسپورتتى باقىلاۋ كوميسسياسىنىڭ باسشىسى.

سىرىم دات

Abai.kz