ء(امىرحان بالقىبەكتىڭ رۋحىنا)

ەي، ادامدار، سودان قالعان وتتى ىزدە،

ونداي سەرى قالمادى ەندى كوك-تۇزدە.

ءبورى بولساڭ يت عۇمىردى كەشۋدەن،

وتكەن ازاپ جوق بىزدە!

ابادانىم، ايعا قاراپ ۇلىعان،

قارا تۇنەك بولىپ كەتتى شۇعىلام.

قايدا كەتتىڭ قازاعىڭدى قالدىرىپ،

قايدا كەتتى سەن ايتاتىن تۇنىق ءان؟

بۇگىن بالبال كۇرسىنەدى، مەن بىلەم،

قونباس جانعا جالعانداعى ەندىگى ەم.

تار زامانعا سيماي كەتكەن سەن دە ءبىر،

قۇدىرەتتىڭ بەرە سالعان كەڭدىگى ەڭ.

ءبورىمدى ىزدەپ، ۇلي بەرەم مەن ەندى،

سەن باقيدان جىراق سالدىڭ كەمەڭدى.

"قاسقىر قۇداي بولعان كەزدە" تۋمادىڭ،

ەمە المادىڭ اشينا-ارۋ ەنەڭدى.

تابانىڭدا ۇگىلۋشى ەدى تاس بۇرىن...

قالمادى ما تۇڭىلۋدەن باسقا ىرىم؟

سەس كورسەتىپ جۇرمەدىڭ بە، ەزدەرگە،

يت زامانعا سىيماي كەتكەن قاسقىرىم!

جانات جاڭقاشۇلى 

Abai.kz