دۇيسەنبى, 4 جەلتوقسان 2023
اكىمنىڭ ءىسى 5346 0 پىكىر 1 ءساۋىر, 2014 ساعات 15:22

«ۆەرسيا» ءبىزدى قارجى پوليتسياسىمەن قورقىتپاق!

«ۆەرسيا» پاۆلودار وبلىستىق اپتالىق گازەتى (رەداكتورى ياروسلاۆ گولىشكين) ۇستىمىزدەگى جىلدىڭ 10 ناۋرىز كۇنگى سانىنداعى «چتو شيۋت ارىنۋ؟» اتتى ماقالاسىندا قارجى پوليتسياسىنىڭ تەرگەۋ امالدارىنىڭ قۇپياسى بولۋعا ءتيىستى مالىمەتتەردى اقپارات كەڭىستىگىنە تاراتقان ەدى.

كەرەكۋلىك قازاق زيالىلارى مۇنى قارجى پوليتسياسىنىڭ ەرلان ارىن جونىندە تەرىس قوعامدىق پىكىر تۋدىرۋدى كوزدەگەنىنىڭ كورىنىسى رەتىندە قابىلداپ، 28 ناۋرىزدا قاليجان بەكقوجيننىڭ ەسكەرتكىشى جانىندا وتكەن شارادا نارازىلىعىن ءبىلدىردى.

سول «ۆەرسيا» گازەتى كەشەگى (31.03.2014) №12 سانىندا «پوجالەيتە ارىنا» اتتى حابار جاريالاپ، الەۋمەتتىك جەلىدە تەرىس جازبالارىن قالدىرعان بەلگىسىز بىرەۋلەردىڭ قارجى پوليتسياسىنا نۇرسۇلتان نازارباەۆتىڭ اتىنا جازىلعان اشىق حات اۆتورلارىنىڭ ە. ارىننىڭ ۇستىنەن قوزعالعان قىلمىستىق ىسكە قاتىستىلىعىن انىقتاۋ جونىندەگى ءوتىنىشىن اتاپ كورسەتىپتى. ءسويتىپ، «ۆەرسيا» قازاق زيالىلارىن قارجى پوليتسياسىمەن قورقىتپاقشى بولىپتى! مۇنىمەن تىنباي، ءبىزدىڭ اۋزىمىزعا «ارىندى اياڭدار» دەگەن ءسوز سالىپتى...

ە. ارىننىڭ ۇستىنەن قوزعالعان قىلمىستىق ىستە كەيبىرەۋلەر پاۆلودارداعى «ۆەرسيا»، «وبوزرەنيە نەدەلي» گازەتتەرىن ءوز مۇددەلەرىنە پايدالانۋ ارقىلى ءبىزدىڭ ەرتىستىڭ كەرەكۋ وڭىرىندە ۇلتارازدىعىن قوزدىرۋعا جاعداي تۋدىرىپ وتىر! مۇنداعى قازاق زيالىلارى مەن تاۋەلسىز ءورىستىلدى گازەتتەر رەداكتسيالارىنىڭ اراسى ونسىز دا ۋشىعىپ تۇر.

ارمان قاني

پاۆلودار

Abai.kz

0 پىكىر