ايدوس سارىم، ساياساتتانۋشى:

شوتلاندتىقتار مەن اعىلشىنداردىڭ تاريحى وڭاي تاريح ەمەس. ەكى ەلدىڭ اراسىندا كەسكىلەسكەن شايقاستار دا، قاندىق جورىقتار دا ورىن العان. بىراق اعىلشىندار مەن شوتلاندتىقتار بۇگىنگى ۇلىبريتانيانىڭ نەگىزىن قالاعان، داڭقتى تاريحىن جاساعان ەتنوستار. ارينە، اعىلشىنداردىڭ ءرولى، ءتىلى، ساياساتى باسىم بولعاندىقتان ولاردى وتارلاۋشى دەۋگە نەگىز بار. قانشا جەردەن جاقسىلىق كورسە دە، ەكونوميكالىق مۇمكىندىگىن پايدالانسا دا شوتلانديانىڭ ءور مىنەزدى ازاماتتارى ازاتتىعىنا دەگەن كۇرەسىن توقتاتقان ەمەس. بىرەسە باسەڭدەپ، بىرەسە ءورشىپ وتىرعان ۇلتتىق قوزعالىسى بۇگىن مارەسىنە جاقىنداپ قالعان سياقتى. 
ايتپاعىم باسقا ەدى. تالاي جىلدان، عاسىردان بەرى ءبىر ۇلت، ءبىر ەل دەگەن مەملەكەت بولىنەيىن دەپ جاتىر. بىزدەر دە بولىپ جاتقان جاعدايدى مۇقيات قاداعالاپ، ءتيىستى ساباق الۋىمىز ءتيىس. ءبىر قىزىعى مەن سۇمدىعى مىنادا: كەزىندە ەكى حالىق ءبىر-بىرىنە اسا قاشىق بولماعان. ەكى ەتنوستىڭ اراسىنداعى شەكارا كەزىندە ارالدى جاۋلاعان ريمدىكتەر سالىپ كەتكەن ەسكى قامالداردىڭ ورنىمەن وتەدى. ادريان جانە انتونين دەگەن قورعاندار اراعا قانشاما عاسىر وتسە دە اعايىن حالىقتى ەكىگە ءبولىپ، تاريحي جادىگەر، كونەنىڭ كوزى بولىپ قانا سانالاتىن دۇنيە كەشە عانا ءبىرتۇتاس مەملەكەتتى ەكىگە جاراتىن ءتۇرى بار. 
مىقتى بولامىز دەسەك كەزىندە وتارلاۋشىلار قۇرىپ كەتكەن شەكارالار مەن جىكتەردەن قۇتىلايىق. قازاق ىشىندەگى دە، تۇركىلەر اراسىنداعى دا! ولاردى كونەنىڭ كوزى، بۇرىنعىنىڭ اتاۋى، تاريحي جادىگەر دەپ ايالاپ-قۇرمەتتەۋدىڭ قاجەتى شامالى. بۇگىنگى ءازىل-كۇلكى جىكتەر ەرتەڭگى كۇنى تاپجىلماس، مىزعىماس ەرەكشەلىككە، اكەنى-بالاعا، اعانى-ىنىسىنە ايداپ سالاتىن كۇشكە اينالىپ كەتۋى عاجاپ ەمەس. 
ويلانايىق!