الماتى قالاسىنىڭ پروكۋراتۋراسىمەن كەدەندىك باقىلاۋ كوميتەتىنىڭ قىزمەتكەرلەرىمەن بىرلەسە اتقارىلعان ءىس شارالاردىڭ ناتيجەسىندە اسا ءىرى مولشەردەگى ەكونوميكالىق كونتراباندالىق قىلمىس اشكەرەلەندى.

         الدىن الا ەسەپ بويىنشا، مەملەكەتكە كەلتىرىلگەن شىعىن مولشەرى جارتى ميلليارد تەڭگەنى قۇرايدى.

         قىتاي حالىق رەسپۋبليكاسىنان «S» جاۋاپكەرشىلىگى شەكتەۋلى سەرىكتەستىگىنە باعىتتالعان ءۇش اۆتوكولىك قۇرالدارىنداعى جۇكتەردى تەكسەرۋ بارىسىندا، ولاردىڭ كەدەندىك دەكلاراتسيادا كورسەتىلگەن تاۋارلارعا سايكەس، كەلمەيتىندىگى انىقتالدى.

         مىسالى، جۇك اۆتوكولىگىنىڭ بىرىندە دەكلاراتسياعا سايكەس، 5 ملن.  تەڭگەنى قۇرايتىن پوليەتيلەندى پاكەتتەر، كارتون قوراپشالارى، فوتوالبومدار كورسەتىلگەن. الايدا وسىعان قايشى، تەكسەرۋ بارىسىندا جالپى سوماسى 35 ملن. تەڭگەنى قۇرايتىن حالىق تۇتىناتىن تاۋارلار، دالىرەك ايتقاندا الەمدىك ماركالى  قىمبات كيىمدەر مەن ءارتۇرلى «Zilli»،  «Nike» جانە ت.ب. ماركالى اياق كيىمدەر انىقتالدى.

         «اتالمىش فاكتى بويىنشا اعىمداعى جىلدىڭ 11 قىركۇيەك كۇنى پروكۋراتۋرامەن قازاقستان رەسپۋبليكاسى قىلمىستىق كودەكسىنىڭ 209 بابى 2 بولىگىنە سايكەس، قىلمىستىق ءىس قوزعالدى»-دەپ حابارلانادى.

         اتالعان سەرىكتەستىككە بارلىعى 9 جۇك اۆتوكولىكتەرى تيەسىلى، ولاردىڭ بارلىعى قازىرگى تاڭدا تەكسەرۋدەن وتۋدە.

         ەسكەرەتىن جاعداي، كەدەندىك زاڭناماعا قايشى 2 جۇك اۆتوكولىگىندەگى تاۋارلار كەدەندىك تازالاۋدان وتپەستەن، تاۋار يەلەرىمەن جول جونەكەي تۇسىرىلگەن.

             «سونىمەن قاتار، تەكسەرۋ بارىسىندا الماتى قالاسىنىڭ كەدەن ورگاندارى قىزمەتكەرلەرىمەن اتالعان جۇك كولىكتەرىنىڭ ۋاقىتشا ساقتاۋ قويماسىنا كەلگەنى تۋرالى جالعان مالىمەتتەر ەنگىزىلگەنى انىقتالدى»، - دەپ حابارلانادى.

         اتالمىش فاكتى بويىنشا الماتى قالاسىنىڭ كەدەندىك باقىلاۋ دەپارتامەنتى قىزمەتكەرلەرىنە قاتىستى قازاقستان رەسپۋبليكاسى قىلمىستىق كودەكسىنىڭ 307 جانە 314 باپتارى بويىنشا قىلمىستىق ءىس قوزعاۋ سۇراعى قاراستىرىلۋدا.

         مەملەكەت باسشىسى مەن باس پروكۋراتۋرا باسشىلىعىنىڭ تاپسىرمالارى اياسىندا، ەلىمىزدىڭ ەكونوميكالىق مۇددەسىن قورعاۋ پروكۋراتۋرا ورگاندارىنىڭ نەگىزگى باعىتتارىنىڭ ءبىرى بولىپ تابىلادى. ەلباسىنىڭ قازاقستان حالقىنا ارنالعان قازاقستان جولى – 2050: ءبىر ماقسات، ءبىر مۇددە، ءبىر بولاشاق» جولداۋىندا نەگىزگى كوڭىل ەلىمىزدىڭ ەكونوميكاسىن كوتەرۋگە جانە ونى قورعاۋعا بولىنگەن. 

اباي-اقپارات