پالەستيناعا قارسى يزرايل اگرەسسياسى توقتاتىلسىن!
پالەستينا حالقىن قولداپ، يزرايل باسقىنشىلىعىن توقتاتۋ تۋرالى
ۇندەۋ
الەم حالقتارىنىڭ جانە بارلىق مەملەكەتتەردى الاڭداتقان تاياۋ شىعىستاعى جاعداي ۋاقىت وتكەن سايىن اۋىرلاي تۇسۋدە. پالەستينا جەرىن تولىقتاي جاۋلاپ الىپ، حالقىن قىرىپ-جويۋدى ماقسات ەتكەن پرەمەر-مينيستر ب.نەتانياحۋ باسقارعان يزرايل بيلىگى گازا سەكتورىنا قايتادان اسكەري شابۋىل باستادى. قازىرگى كۇنى پالەستينا حالقىنىڭ جاعدايى وتە مۇشكىل. بۇگىنگە دەيىن ەۆرەي سيونيست باسقىنشىلارى 2 مىڭ 200-دەن استام بەيبىت تۇرعىندى ءولتىردى، ونىڭ ىشىندە 500-ءى بەيكۇنا بالالار. ارابتار تۇراتىن قالالار مەن ەلدى مەكەندەردىڭ ينفراقۇرىلىمدارى قيراپ، تۇرعىندار ءومىر مەن ءولىمنىڭ اراسىندا ۇرەيلى كۇن كەشۋدە. باسپانالارى تالقاندالعان ادامدار ىشەر تاماق پەن اۋىز سۋعا زار بولىپ، جەردەن دە اۋەدەن دە اتقىلاعان يزرايل اسكەرلەرى شابۋىلىنىڭ استىندا قالدى. ەلەكتر ستانتسيالارى بومبالانىپ، مەكتەپ پەن ەمحانالار جانە وزگە دە الەۋمەتتىك ورىندار قيراندىعا اينالعان. جازىقسىز ايەلدەر، قارتتار مەن جارالانعان ادامدار وققا ۇشۋدا.
سوڭعى ۇلگىدەگى قارۋ-جاراعى بار يزرايل سولداتتارى اۋەدەن دە، جەردەن دە، تەڭىزدەن دە اتقىلاپ، بومبالاۋشى، جويعىش ۇشاقتارى مەن تانكىلەردى، زەڭبىركتەرىن ىسكە قوسىپ، ارمياسى، نە قارۋ-جاراعى جوق ارابتاردى اياۋسىز قىرعىنداۋدا. پالەستينالىق پاتريوتتىق حاماس ۇيىمى ادامدارى بار بولعانى قولدان جاسالعان مينومەت پەن سنارياد، (ونى يزريايل الەمگە «راكەتا» دەپ جالعان اقپارات تاراتۋدا) ال پوليتسياسى ەسكى كالاشنيكوۆ اۆتوماتتارىن پايدالانۋدا. يزرايل سولداتتارىنان وتباسىن، باسپاناسىن، جەرىن قورعاعان تۇرعىندار تاس لاقتىرىپ قارسىلىق كورسەتۋدە.
تاياۋ شىعىستا بولىپ جاتقان قىرعىنعا حالىقارالىق ۇيىمدار ءۇنسىز قول قۋسىرىپ قاراپ وتىر. بىرىككەن ۇلتتار ۇيىمىنىڭ قاۋىپسىزدىك كەڭەسى تەل-اۆيۆتىڭ بۇل اگرەسسياسىن ايىپتاپ، توقتاۋ سالۋى قاجەت دەپ سانايمىز. ەۋروپاداعى قاۋىپسىزدىك پەن ىنتىماقتاستىق ۇيىمى جانە باسقا دا حالىقارالىق ۇيىمدار يزرايلدىڭ باسقىنشى ساياساتىن قاتاڭ ايىپتاپ، بەيبىت حالىقتى قىرىپ جاتقان گەنوتسيدكە قارسى شارالار قولدانۋى ءتيىس.
الەمدە مىڭداعان، ميلليونداعان ادام ەۆرەي اسكەرلەرىنىڭ پالەستينا حالقىنا جاساعان قىرعىنىنا نارازىلىق تانىتۋدا. الايدا ولاردىڭ ۇكىمەتى مەن بۇۇ باستاعان حالىقارالىق ۇيىمدار ناقتى ارەكەتكە بارماۋىنا بايلانىستى قاراپايىم تۇرعىنداردىڭ قارسىلىعى ناتيجە بەرمەۋدە. وسىنى پايدالانعان يزرايل ۇكىمەتى امەريكا قۇراما شتاتتارىنىڭ قولداۋى مەن ونىڭ اسكەري كومەگىنە سۇيەنىپ، پالەستينا جەرىن باسىپ الىپ، ولاردىڭ مەملەكەتتىك قۇرىلىمىن جويۋعا جانتالاسىپ جاتىر. يزرايل ۇكىمەتى ءتىپتى اتوم، سۋتەگى، نەيترون بومبالارىن، راكەتالارىن پايدالانۋعا دەيىن بارامىز دەپ قورقىتىپ وتىر. ال بىردە-ءبىر اراب مەملەكەتتەرىندە جوعارىداعى اتالعان جاپپاي قىرىپ-جويۋ قارۋلارى جوق.
تەل-اۆيۆتىڭ اگرەسسياسىنا اراب، مۇسىلمان مەملەكەتتەرى دە نارازىلىق تانىتۋدا. يسلام ىنتىماقتاستىعى ۇيىمى، اراب مەملەكەتتەرى ليگاسى سەكىلدى ءىرى ۇيىمدار ءوز پوزيتسياسىن ءبىلدىرىپ، سيونيستەردىڭ قىرعىنىنا قارسى ناقتى قادامدارعا بارۋى كەرەك. بۇگىنگىدەي ادامزات وركەنيەتتى، دامىعان، ادام ءومىرى مەن باس بوستاندىعىن نەگىزگى قۇندىلىق ەتكەن، مەملەكەتتەردىڭ ەگەمەندىگى مەن ۇلتتاردىڭ ەركىندىگىن باستى ورىنعا قوياتىن زاماندا بۇنداي قاندى اگرەسسياعا ەشقاشان جول جوق.
وسىعان بايلانىستى جالپى ادامزاتتىق گۋمانيزم مەن حالىقارالىق قۇقىقتى اياققا تاپتاپ، بەيبىت حالىقتى ءوز بىلگەنىنشە قىرعىنعا ۇشىراتىپ وتىرعان يزرايل مەملەكەتىنىڭ سيونيست باسقىنشىلىعىنا ءبارىمىز بىرگە قارسى تۇرۋىمىز كەرەك. ەگەر بۇنداي اگرەسسيا جالعاسا بەرەتىن بولسا، الەمدەگى بەيبىتشىلىك پەن تۇراقتىلىق بۇزىلىپ قانا قويماي، ءالسىز ەلدەردى (ونىڭ ىشىندە ورتالىق ازيا جانە قازاقستان بار) كۇشتى مەملەكەتتەر جاۋلاپ الا بەرەتىن حالىقارالىق حاوس ورىن الاتىن بولادى. سوندا بارلىق ەلدىڭ بەيبىتشىلىگى مەن تىنىشتىعىنا، ۇلتتىق قاۋىپسىزدىگىنە ۇلكەن قاتەر تونەدى.
پالەستيناعا قارسى يزرايل اگرەسسياسى توقتاتىلسىن!
قازاقستان رەسپۋبليكاسى «مەملەكەتتىك ءتىل» قوعامدىق قوزعالىسى،
«دۇنيەجۇزى قازاقتارى قاۋىمداستىعى» استانا قالالىق فيليالى،
«ا.سارسەنبايۇلى» اتىنداعى قوعامدىق قور،
«تاۋەلسىزدىكتى قورعاۋ» رەسپۋبليكالىق كوميتەتى،
استانا قالاسى «مەملەكەتتىك ءتىل» قوزعالىسى،
«جەلتوقسان اقيقاتى» قوعامدىق قوزعالىسى،
«ادىلەت» تاريحي-اعارتۋ قوعامى،
«جاس الاش» گازەتىنىڭ ۇجىمى،
«قازاق ءۇنى» گازەتىنىڭ ۇجىمى،
«دەموكراتيا جانە قۇقىق» حالىقارالىق تاريحي-قۇقىق ورتالىعى،
«قازاقستان كوممۋنيستىك» پارتياسى،
«قازاقستاندا پارلامەنتشىلدىكتى دامىتۋ قورى» قوعامدىق قورى،
«بولاشاق» قوعامدىق قوزعالىسى،
«اباي.كز» اقپاراتتىق پورتالى،
«ۇلت تاعدىرى» قوزعالىسى،
الماتى قالالىق«حالىق دابىلى» قوعامدىق بىرلەستىگى،
«اللاجار-قولداۋ» قوعامدىق قورى،
«قازاقستان تاريحشىلارى قاۋىمداستىعى»،
«الماتى قالالىق قازاق ءتىلى» قوعامى،
«جەلتوقسان رۋحى» قوعامدىق قوزعالىسى،
«الاش» تاريحي زەرتتەۋ ورتالىعى،
«قازاقستان» گازەتىنىڭ ۇجىمى،
«تۇركىستان» گازەتىنىڭ ۇجىمى،
«قازاق» گازەتى،
«پرەزيدەنت جانە حالىق» گازەتىنىڭ ۇجىمى،
«قازاقيا» گازەتىنىڭ رەداكتسياسى،
استانا قالاسى ء«تىل جانە مادەنيەت» قوعامدىق ۇيىمى.
