ەۋرووداق مينسكىدە تامىزدىڭ 26-سىندا وتەتىن كەدەن وداعىنىڭ سامميتىنە قاتىساتىن بولدى. بۇل تۋرالى بريۋسسەلدە وتكەن ءباسپاسوز ءماسليحاتىندا ەۋروكوميسسيانىڭ رەسمي وكىلى شانتال حيۋز جاريا ەتكەن:  «ەۋرووداق مينسكىدە وتەتىن كەدەن وداعى سامميتىنە قاتىساتىنىن رەسمي مالىمدەيدى. ءبىز وندا نەگىزگى ءۇش تاقىرىپتى تالداۋعا نيەتتىمىز. بۇلار - ەۋرووداق پەن ۋكراينا اراسىنداعى ەركىن ساۋدا-ساتتىقتى جۇزەگە اسىرۋ، قىركۇيەك ايىندا ۋكراينا، رەسەي جانە ەۋرووداق اراسىنداعى گاز ماسەلەسىنە قاتىستى ءۇش جاقتى كەلىسسوزدەرگە قايتا ورالۋ مۇمكىندىگىن قاراستىرۋ جانە ۋكرايناداعى قاۋىپسىزدىكتى قامتاماسىز ەتۋ ماسەلەلەرى.»

مينسكىدەگى سامميت ەۋرازيالىق ۇشتىك مەملەكەتتەرى - قازاقستان، رەسەي جانە بەلارۋس، سونداي-اق ەۋرووداق پەن ۋكراينانىڭ قاتىسۋىمەن وتەدى. Baq.kz-ءتىڭ جازۋىنشا ەۋرووداق اتىنان باسقوسۋعا سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى كەترين ەشتون، ساۋدا جونىندەگى ەۋروكوميسسار كارەل دە گيۋحت پەن ەنەرگەتيكا جونىندەگى ەۋروكوميسسار گيۋنتەر ەتتينگەر قاتىساتىن بولادى.

اباي-اقپارات