جۇما, 29 ناۋرىز 2024
بيلىك 6313 0 پىكىر 11 تامىز, 2014 ساعات 15:38

ب. بايبەك: مەملەكەت جاستاردىڭ ءوزىن-ءوزى تانىتۋى ءۇشىن بارلىق جاعدايدى جاساۋدا

«نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك قاپشاعاي قالاسىندا ەلىمىزدىڭ بارلىق وڭىرلەرىنەن كەلگەن 300 استام جاستاردىڭ باسىن قوسقان «جاستار – وتانعا!» جاستاردىڭ ساياسي لاگەرىنە قاتىسۋشىلارمەن كەزدەستى.
الماتى11 تامىز، 10:33

«نۇر وتاندا» حابارلاعانداي، جاستارمەن كەزدەسۋ بارىسىندا باۋىرجان بايبەك قازاقستاننىڭ الەمنىڭ دامىعان 30 ەلىنىڭ قاتارىنان تابىلۋى جاڭا ءبىلىم مەن تەحنولوگيانى بويعا سىڭىرۋگە دايىن، ءوز ىسىنە جاۋاپكەرشىلىكپەن قارايتىن جاستاردىڭ قولىندا ەكەنىن اتاپ ءوتتى.

«نۇر وتان» پارتياسىنىڭ كوشباسشىسى نۇرسۇلتان ءابىشۇلى نازارباەۆ سىزدەرگە زور ءۇمىت ارتادى. ەلباسى جاقىندا ۇكىمەتتىڭ كەڭەيتىلگەن وتىرىسىندا «ەلدىڭ ءبارىن، ەڭ الدىمەن جاستاردى، «قازاقستان - 2050» ستراتەگياسىندا بەلگىلەنگەن ماقساتتارعا جەتۋگە ارنالعان جۇمىستارعا تارتۋ كەرەك» ەكەندىگىنە توقتالدى»، – دەپ اتاپ ايتتى ب.بايبەك.

ول بۇگىندە مەملەكەت جاستاردىڭ ءوزىن-ءوزى تانىتۋى ءۇشىن بارلىق جاعدايدى جاساپ وتىرعانىنا توقتالدى.

اتاپ ايتقاندا، مەملەكەتتىك «قولجەتىمدى باسپانا» باعدارلاماسى شەڭبەرىندە  وتباسىلار جەڭىلدىكپەن پاتەر الۋدا. نازارباەۆ ۋنيۆەرسيتەتى سەكىلدى ىرگەلى وقۋ ورىندارى اشىلىپ جاتىر. «بولاشاق» باعدارلاماسى بويىنشا دارىندى جاستار الەمنىڭ وزىق جوعارى وقۋ ورىندارىندا ءبىلىم الۋدا. ءاربىر ايماقتا  نازارباەۆ زياتكەرلىك مەكتەپتەرى اشىلدى.

قاتىسۋشىلارمەن كەزدەسۋدە سونداي-اق، پارتيا مەن ونىڭ جاستار قاناتىنىڭ جاڭا جوبالىق جۇمىس ادىسىمەن مۇمكىندىكتەرى مەن جاعىمدى جاقتارى تالقىلانىپ، سونداي-اق جاستار ساياساتىن دامىتۋعا باعىتتالعان پارتيالىق جوبالارعا قورىتىندى جاسالدى.

http://strategy2050.kz/

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2279
عيبىرات

قايسار رۋحتى عازيز جان

مۇحتار قۇل-مۇحاممەد 3596