اپىر-اي،  قايدا سوعىپ تىنار ەكەن؟

           ورىس كوپ حالىق، ونىڭ ىشىندە دە ءارتۇرلىسى بار. مەن سولاردىڭ ىشىندە اسىرەۇلشىلدارى تۋرالى ايتپاقپىن. قازىر رەسەيدىڭ   باق-تارى سولاردىڭ سوزدەرىن سويلەۋدە. بارلىق باق-تىڭ قۇلاعىن ۇستاپ وتىرعان جارىم-جارتىلايعى ەۆرەيلەر، ۋكرايندار، تاتارلار قورىققاندارىنان، جاپپاي سولاردىڭ اۋانىمەن كەتتى. ءبىر ادىلەتتى ءسوز ەستىمەيسىڭ. تەك، جالعىز-اق «نوۆايا گازەتا» دەگەن باسىلىم عانا ساۋ قالدى-اۋ دەيمىن. بىراق وعان دا قىسىمشىلىقتار جاساپ جاتقان كورىنەدى. «روسسيا-24» دەگەنى وتىرىكتى ءتىپتى قيسىنسىز سوعادى. دونداعى روستوۆتى ۋكرايندار اتقىلاپ كەتتى دەگەندى اۋزى-مۇرنى قيسايماي ايتادى. ارينە، ۋكراينداردىڭ كيىمىن كيىپ الىپ (باياعىداعى باندەرشىلەردىڭ كيىمىن كيىپ الىپ بەيبىت حالىقتى قىرىپ كەتەتىن نكۆد-شىلار سياقتى) اتىس جاساپ كەتكەن فسب-شىلار دەيىن دەسەڭ دە قيراعان ەشتەڭەنى، ولگەن ادامداردى كورسەتە المايدى. ەندەشە ارانداتۋشىلىعى جوق تازا وتىرىك قوي. سونى قايتا-قايتا ايتادى. ۋكرايندار باس قايعىسىمەن بولىپ جاتقاندا روستوۆتى اتىپ نە قىلسىن؟ 

         ال سولوۆەۆ، جيرينوۆسكي سياقتى ساياساتكەرلەرى اۋىزدارىنا نە كەلسە، سونى ايتۋدا. سوزدەرىنە قاراساڭ وزدەرىنەن باسقالاردىڭ ءبارى وڭباعان، اقىماق. اسىرەسە، امەريكاندىقتار ادام ەمەس.  تەك قانا وزدەرى جاقسى، ءايبات، گۋمانيست، اقىلدى، ت.س.س. ساااكاشۆيلي مە، ول وڭباعان، ونى امەريكاندىقتار وسىرگەن، سوعان داۋىس بەرىپ، پرەزيدەنت سايلاعان گرۋزيندەر «اقىماق». يۋششەنكو امەريكاعا بارعان جوق، الايدا ول ايەلى ارقىلى «ساتىلعان». پوروششەنكو امەريكاندىقتاردىڭ جاڭا ءونىمى ت.س.س. وسىلاردىڭ ءبارىن ايتىپ-ايتىپ كەلىپ، ادەيى جيناپ العان شوۆينيست تىڭداۋشىلاردىڭ قوشتاپ قول سوعۋىمەن ۇلىورىستىق يدەولوگيانى جانداندىرۋىمىز كەرەك، ءبىز قايتادان كۇشەيۋىمىز كەرەك دەپ اۋىزدارىنان قوقسىق اتادى. 

         اپىرم-اي، الەمدەگى ەڭ جاقسى حالىق ورىستار بولسا – نەگە ولار جامان تۇرادى؟ بالتا، كۇرەك، ايىردان باسقا ىستەگەن زاتىنىڭ ءبارى نەگە ساپاسىز؟ جۇرتتىڭ ءبارىن نەگە جاۋ كورەدى؟   نەگە وزدەرىن باسقالاردان ارتىق ساناعىسى كەلەدى؟ جۇرتتىڭ وزعانىن نەمەسە وزۋعا ۇمتىلعانىن نەگە كورە المايدى؟   وسى سۇراقتاردى قويساڭ – جاۋاپ تابا الماعان ادام جارىلىپ كەتەر ەدى.

         وسىنىڭ ءبارىن كورىپ، وقىپ وتىرىپ، اپىر-اي، مىنا نيۋفاشيستەر قايدا سوعار ەكەن دەپ كادىمگىدەي باسىڭا قايعى الاسىڭ؟ وتە قاۋىپتى، اعايىن. ويلانىپ جۇرەيىك، وتىرىكتەرىنە الدانبايىق.

كارىم جەكسەنباەۆ، زەينەتكەر

Abai.kz