بەيسەنبى, 28 ناۋرىز 2024
كوكجيەك 6425 0 پىكىر 30 شىلدە, 2014 ساعات 13:33

قاجىمۇقان عابدوللا. بىرلىك تۋرالى بەلگى مە؟..

 ...اقىننىڭ ءبارىن جاقسى كورەم. ويتكەنى، ول – قيالشىل عانا ەمەس، قاناعاتشىل; بۇرقاسىن عانا ەمەس، باۋىرماشىل...

ال، مارالتاي رايىمبەكۇلى مۇلدەم ايرىقشا بولمىستى، ەرەكشە ەكپىندى اقىن. مارالتاي اق ءسۇت بەرگەن اناسى جايىندا بىلاي دەپتى: “...اپام دەمىكپەمەن اۋىرعان كەزدە قاتتى قينالاتىنمىن. تۇنگى ساعات 3-4 بولسىن، ايتەۋىر كۇنىنە ءبىر رەت بولسا دا اۋىراتىن. جاز مەزگىلىندە ءبىز جاقتا كۇن ىستىق بولادى، ءتۇن ورتاسى اپام اۋىرىپ، قينالىپ، جەر سيپالاپ، اللاعا جالبارىنىپ جاتادى. مەن توسەكتىڭ استىندا ەستىپ جاتىپ، ەڭىرەپ جىلايتىنمىن. «انام ءولىپ قالماسا ەكەن» دەپ ىشىمنەن تىلەپ جاتاتىنمىن. اپكەم ەكەۋمىز ءتۇن ورتاسىندا قولىمىزعا تاياق الىپ اۋىلداعى زاۋكەن (داۋىلماقان) دەگەن فەلدشەر اعايدى اكەلەتىنبىز. ول كىسى ءالى اۋىلدا فەلدشەر. زاۋكەڭە مەن ءومىر بويى قارىزدارمىن...”

قانداي “قانى تامعان” ءمولدىر سەزىم، اقجارما بالا كوڭىل دەسەڭشى؟!.

قازىر الەمدەگى ادامنىڭ ءوز قولىمەن ءبىر-بىرىنە جاساپ جاتقان قياناتىنان – جويتتەردىڭ پالەستين سابيلەرىن قيساپسىز قىرۋىنان، تۇركىمەن باۋىرلارىمىزدىڭ جانتۇرشىگەرلىك قينالىستارىنان، ورىستىڭ ۋكرايننىڭ جەرىنە قول سالۋىنان – جۇيكەڭ توزىپ، ساناڭ سارسىلعاندا، مارالتايلاردىڭ ەستەلىكتەرىن وقىپ وتىرا بەرگىڭ كەلەدى... اقىنداردىڭ ادال جۇرەك، اقشاڭقان پەيىلىنە ەلتىپ وتىرىپ، قيال-ارمانعا ەرىكسىز ەرىك بەرەسىڭ:

...شىركىن-اي، قازاقتىڭ باسىن بىرىكتىرۋ – قاي قازاق حانىنىڭ دا ارمان-مۇددەسى ەدى، قۇدايعا شۇكىر، سول ارايلى تاڭدارعا تاياپ كەلەمىز، قازاقتى يسلام ءدىنى، تابيعي سابىرى، اللاھقا سەنىمى، قۋاتتى يمانى، دارگەيلى ءدىلى، ۇلتتىق سالت-ءداستۇرى، تازا تاريحى، اناسىنىڭ ءتىلى، تۋىستىق قارىم-قاتىناسى، بىرلىكتى جاماعاتى، ءبىلىمدى ۇرپاعى، ادىلەتتى قوعامى، قازاقتىڭ سانىنىڭ كوبەيۋى بىرىكتىرەدى، دەگەنگە سەنەسىڭ. بۇعان كۇمانىڭىز بولماسىن!

...شىركىن-اي، قازاقتى حاس دۇشپانى تىزەرلەتە الماس ءۇشىن تۇركى بالاسىنىڭ تاتۋلىعى اۋاداي قاجەت-اق. اتاقتى اتاتۇرك: ء“بىر زاماندا كۇللى تۇركى بالاسىنىڭ تىزە قوسىپ، بىرىگەتىن ۋاقىتى كەلەدى” دەگەن ەدى، التاي مەن جەرورتا تەڭىزىنىڭ ورتاسىندا عۇمىر كەشكەن 200 ملن. تۇركى بالاسىنىڭ جانارىنا جاس تولماسا ەكەن؟.. قازاق پەيىلى كەڭ، قۇدايدان سۇراعان جۇرت قوي: بۇگىنگى تاڭدا بەلورۋستاردىڭ ورىس تەلەارنالارىن اۋىستىرىپ، ولاردىڭ ورنىنا قازاق تەلەارنالارىن سۇراۋى دا تەگىن ەمەس-اۋ...


...شىركىن-اي، قازاقتىڭ بالاسى شىنايى جاراتۋشىسىنا جاقىنداي تۇسسە عانا قيانات كورمەي، تولاعاي توپتى جارار ەدى. انەكي، قاسيەتتى قادىر ءتۇنىن قارسى العان سەمەيلىك جاماعات اسپاننان “اللا” دەگەن جازۋدى وقىدى. توتە جازۋدى تۇسىنەتىندەر مۇنى: “اللا – جالعىز جاراتۋشى” دەگەن تىركەس دەسە، ءدىن قىزمەتكەرلەرى بۇل ءسوزدىڭ: ء“سۇميم”، “ھا”، “سۋات” دەگەن سياقتى ارىپتەرگە ۇقسايتىن “مۇحاممەد” دەگەن ماعىناعا كەلىڭكىرەيتىندىگىن ايتادى.

قالاي دەسەك تە، بۇل – قازاققا حاقتىڭ جىبەرگەن جاقسىلىق پەن ىزگىلىك، يمان مەن يگىلىك جايلى نىشانى شىعار، دەپ ءۇمىت قىلامىز. الدە، بۇل – تۋعان توپىراعى تالاپايعا ءتۇسىپ، ەڭ سوڭعى حانىنىڭ عازيز باسى قور بولعان قازاققا بىرلىك تۋرالى بەلگى مە؟..

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3531