جۇما, 29 ناۋرىز 2024
46 - ءسوز 10459 0 پىكىر 25 شىلدە, 2014 ساعات 12:56

قۇداي بار! تالاس جوق... ادىلەت شە؟

كەشە، اڭدار تۋرالى دەرەكتى ءفيلمدى كورگەن ەدىم.
اشەيىندە، ونشا ءمان بەرمەيدى ەكەنمىن. ءبىرىن-ءبىرى جەپ جاتقان جىرتقىشتىق تىرلىك، ايتەۋىر.... اڭ دەيمىز اۋ، سولاردان اسىپ بارا جاتقان نەمىز بار؟ ءبىرىن-ءبىرىمىزدىڭ ەتىمىزدى جەمەسەك تە، اراداعى ايىرماشىلىق شامالى...ايباتتى دارمەنسىزگە كۇن بەرمەيدى.
ءدامدىنىڭ ءبارى مىقتىنىڭ ەنشىسىندە... ەڭ باستىسى، كۇشتى ءالسىزدى جەپ قويادى. ادامنىڭ ءومىرى مۇنداي ەمەس دەپ ايتا الاسىز با؟
اڭداردىڭ جىرتقىش ارەكەتىنە قاراپ، بۇل تابيعات زاڭدىلىعى دەيمىز.
ال، ادامنىڭ جىرتقىشتىعىن نەمەن اقتايمىز؟
قۇداي بار! تالاس جوق... ال، ادىلەت شە؟
مەنىڭشە، قۇدايدىڭ ويىندا نە بارىن ونىڭ وزىنەن باسقا ەشكىم بىلمەيتىن سياقتى. اللا تۋرالى تۇسىنىكتەردىڭ ءبارىن ادامداردىڭ وزدەرى ويلاپ تاپقان...قۇداي جازاسىن بەرسىن دەيمىز... كىمدى جازالاپ جاتىر؟
قۇداي ساقتاسىن دەيمىز... قولدان جاسالعان اشارشىلىقتا بەيكۇنە قازاقتىڭ جارتىسى نەگە وپات بولدى؟ ون ەكىدە ءبىر گۇلى اشىلماعان پالەستينالىق سابيلەر نەگە مالشا قىرىلىپ جاتىر؟ بەس ۋاقىت نامازىن قازا جىبەرمەيتىن مۇسىلماندار توپ-توپقا ءبولىنىپ الىپ، ءبىر-ءبىرىن نەگە باۋىزداپ جاتىر؟ ءومىر بويى ۇياتتىڭ جەتەگىمەن عۇمىر كەشكەن جاقسى ادام نەگە ەرتە قايتىس بولادى؟ كۇن سايىن بولىپ جاتقان جول اپاتتارىندا نەگە بەيكۇنا سابيلەر كوپ مەرت بولادى؟ زۇلىمدىق جاساعان ادامدار نەگە باقىتتى ءومىر سۇرەدى؟ وسىنداي سۇراقتاردى تىزە بەرسەڭ شىعا بەرەدى، شىعا بەرەدى. جاۋاپ جوق.

ر.S. سەكتانتتار مەن ۋاحابشىلاردىڭ جاتتاندى ساندىراقتارىن قاجەتسىنبەيمىن."جازىقسىز قان توككەندەردىڭ جازاسىن توزاقتا بەرەدى نەمەسە جاراتقان ولاردىڭ ءۇرىم-بۇتاعىن جازالايدى" دەگەن ساۋەگويلىك تە قابىلدانبايدى. اتىشۋلى نەمىس فاشيستەرىنىڭ نەمەرە-شوبەرەلەرى ەڭ باقۋاتتى ەلدە ەرتەگىدەي عۇمىر كەشىپ جاتىر. ەرتادەگى ەۆروپانىڭ قاندى قول قولباسشىلارىنىڭ ۇرپاقتارى - قازىر وركەنيەتتى ەلدەردىڭ لايىقتى اقسۇيەكتەرى بولىپ وتىر. ميلليونداعان حالىقتىڭ (ونىڭ ىشىندە اياۋلى انا دا، بەيكۇنا ءسابي دە كوپ بولدى) قانىن سۋداي اعىزعان شىڭعىس حاننىڭ ۇرپاقتارى دا باباسىنىڭ جاۋگەرلىگىن ماقتان تۇتپاسا، ايىپ كورىپ وتىرعانى شامالى. قىسقاسى، ارعى تەگىنىڭ تەرىس قىلىعىنا قورلانىپ جاتقان ەشكىمدى كورمەدىم. بۇل دۇرىس قۇبىلىس. اتا-اناسىنىڭ ارەكەتىنە ونىڭ بالا-شاعاسى جاۋاپتى ەمەس.
ال، وندا جاۋىزدىڭ ءوزى نەگە جازالانبايدى؟ ءسىز ونىڭ توزاقتا مايشا شىجعىرىلاتىن ايتارسىز؟ مۇمكىن...
بىراق، جەمتىگىن كۇيسەپ جاتقان ارىستان دا، جولاۋشىلار ۇشاعىن اتىپ تۇسىرگەن سەپاراتيست تە، بىرەۋدىڭ نەسىبەسىن تارتىپ الىپ جاتقان ءبىزدىڭ شەنەۋنىك تە بۇل تۋرالى ويلانبايتىن سياقتى.
قىسقاسى، ادىلەتتىك جوق. ونى كوكتەگى كۇش ورناتىپ بەرمەيدى. ونى ءوزىمىز ورناتۋىم كەرەك. ونى ءوزىمىز قورعاۋىمىز كەرەك. ايتپەسە، جىرتقىش اڭنىڭ اۋزىنا تۇسكەن جەمتىكتەي جۇتىلا بەرەمىز، جۇتىلا بەرەمىز...
ايتپاقشى، "قۇربانداردىڭ" قارعىسى دا ەشتەڭە شەشپەيدى اۋ، دەيمىن...
ويتكەنى، "جەڭگەندەر" قاشان دا بيىكتە. سوندىقتان شىعار، ولار وزدەرىن كوككە جاقىن سەزىنەدى.

ورازا كەزىندە ايتىلعان وسپادار ويىما عافۋ وتىنەمىن!

(سەرىك اباس-شاحتىڭ فەيسبۋكتەگى پاراقشاسىنان)

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3555