جىلداعىمەن سالىستىرعاندا بيىل قادىر ءتۇنىن كۇزەتكەندەر كوپ بولعان سياقتى. الەۋمەتتىك جەلىدە جاقسى تىلەكتەر ايتىپ، پىكىر الىسقان جۇرتتىڭ قاراسى سونى ايعاقتايدى. ءبىر-بىرىنەن كەشىرىم سۇراپ، بىرلىككە كەلۋگە شاقىرىپ جاتقان جازبالار كوپتەپ كەزدەسەدى. نازارلارىڭىزعا فەيسبۋكتە جازىلعان ءارتۇرلى تىلەكتەردىڭ ىشىنەن بىرنەشەۋىن ۇسىنىپ وتىرمىز.

اۋىت مۇقيبەك:

اللا، ءوز ريزالىعىڭ ءۇشىن قاسيەتتى قادىر ءتۇنى تىلەگەن تىلەك-دۇعالارىمىزدى قابىل ەتە گور!
الەمدەگى شاشىراپ جۇرگەن قازاقتىڭ باسىن قارا شاڭىراق - قازاقستاندا قوسۋعا ءناسىپ ەتە گور!

نۇرلان ءسادىر:

قادىر ءتۇنى ء«بىر-بىرىمىزگە قادىرىمىز ارتسا ەكەن» دەگەن تىلەك ايتامىن. كوپ ەمەسپىز عوي...

ايدوس سارىم:

قادىر ءتۇنى - ويلانىپ-تولعانىپ، جاراتۋشىعا جالبارىنۋ ءتۇنى عوي.
ءبىر عانا تىلەگىم بار: قازاعىما، قازاق مەملەكەتىنە 10 جىل سىرتقى تىنىشتىق پەن ىشكى بەلسەندى، پاراساتتى ارەكەت بەرسىن!
ارتىق ەمەس پە تىلەۋىم؟

ءامىرجان قوسانوۆ:

نيەت ەتكەن جيىلىپ
يماندىنىڭ كۇيىن ۇق -
تازا تىلەك، تازا كوڭىل، تازا ءتۇن!
ءبىر اللاعا سىيىنىپ،
بار الاشقا ءسۇيىنىپ
قادىر ءتۇنىن قادىر تۇتتى قازاعىم!

ەرجان بايتىلەس:

يا، راببىم، قاسيەتتi ورازادا، بiر ءوزi مىڭ كۇنگە تەڭ كەلەتiن قادiر تۇنiندە ەلiمiزدiڭ ءتۇتiنi ءتۇزۋ ۇشۋىن، قابىرعالى قازاعىمنىڭ قاباعىنا كiربiڭ تۇسپەۋiن، جەرiمiزگە ەشكiمنiڭ كوز الارتپاۋىن، مەملەكەتتiلiگiمiزدiڭ ماڭگiگە جالعاسۋىن، ۇلتىمدى ۇلى iستەرگە باستاۋىن، حالقىمدى قامسىز قىلۋدى، اعايىننىڭ اماندىعىن، ءۇي-iشiمدi بەرەكەلi ەتۋiن، سانالى دا ساليقالى ۇرپاق ءوسiرۋدi تiلەدiم! قابىل ەتە گور، جاراتقان!

ەرلان تولەۋباي:

الاشتىڭ باسى قوسىلسىن، دۇشپاننىڭ جولى توسىلسىن!

ساراش قوڭىرباەۆا:

فب-داعى 1869 دوسىما وتباسىما تىلەگەن جاقسىلىقتاردى تىلەيمىن!
ەلىمىز امان، جۇرتىمىز تىنىش بولسىن! ءدىنىمىز يسلامنىڭ جەر بەتىنە سالتانات قۇرۋىنا ءناسىپ ەتسىن! ۇلتىمىزدىڭ كوركەيۋىنە، مەملەكەتىمىزدىڭ دامۋىنا اللا جاردەمشى بولسىن! ەرلەرىمىز سەستى، انالارىمىز ەستى، ۇلدارىمىز ۇلىقتى، قىزدارىمىز قىلىقتى بولسىن! بالالاردىڭ ۇيقىسى تىنىش، كۇلكىسى شات بولسىن!
جارتىلار بۇتىندەلسىن، جوقتار تابىلسىن!

بولات جەتەكباي:

قادىرىمىز كەمىگەن كەزدە، مىناۋ، قۇدايىم،
سەنىڭ قادىر تۇنىڭدە دۇعا قىلىپ، سۇرايىن:
ءجاننات قىلعاي ول جاقتا اكەمىزدىڭ مەكەنىن،
كورۋدى جاز كوپ جىلدار شەشەمىزدىڭ شىرايىن!

امان بولسىن اعايىن، كورشى-كولەم – توڭىرەك،
وسكەلەڭ جاس ۇرپاققا ءورىس بەرگەي كەڭىرەك!
ارامزالىق ءىس قىلماي، اس ىشۋگە ادالدان:
مەحناتتى ەڭبەكتىڭ وتەۋىن بەر كوبىرەك.

پەرىشتەلەر قاققاي دا ءازازىلدىڭ قۇلقىنان.
ءسوز ايتۋدان ساقتاعاي جاقسىلاردىڭ سىرتىنان...
اداسقاندى جونگە سال، ءسال اسقاندى عافۋ ەت،
الاشىمدى ايىرما مۇسىلماندىق عۇرپىنان!

ايدار سەيدازىم:

ۇل-قىز ءوسىر، ەشقاشان جاسىق ەتپەي،
يمانعا ۇيىت، اللاعا عاشىق ەتكەي.
قادىر ءتۇنى ەڭ باستى - تىلەگىم بار:
قازاعىما تىنىشتىق ءناسىپ ەتكەي!

باعدات مۇحتارۇلى:

تۋعان توپىراعىنىڭ تىلەۋىن تىلەيتىن ۇرپاعىمىز كوپ بولسىن!

Abai.kz