بەيسەنبى, 18 شىلدە 2024
جاڭالىقتار 4744 0 پىكىر 22 شىلدە, 2014 ساعات 15:41

زاڭسىز سالىنعان ۇيىڭىزگە "تەحپاسپورت" الا الاسىز

كەشە "حابار" ارناسىندا وتكەن تەلەكوپىردە "جىلجىمايتىن مۇلىككە تەحپاسپورتتى قالاي الامىز؟ ول قانشا ۋاقىتتا جاسالادى؟"دەپ سۇراق قويعان كورەرمەنگە قر ادىلەت ءمينيسترىنىڭ ورىنباسارى باقىتجان ءابدىرايىم بىلاي دەپ جاۋاپ بەردى: 

- جاريا ەتۋ اياسىندا، ەگەر سىزدە جەر ۋچاسكەسىنە مەملەكەتتىك اكتى بولسا، قۇرىلىسقا تەحنيكالىق تولقۇجات الۋ ءۇشىن جىلجىمايتىن مۇلىك وبەكتىسىنىڭ ورنالاسۋى مەكەنجايى بويىنشا ءتيىستى قۇجاتتار تىزبەسىمەن حالىققا قىزمەت كورسەتۋ ورتالىعىنا جۇگىنىڭىز قاجەت ء(وتىنىش; جەكە باسىن كۋالاندىراتىن قۇجات; جەر ۋچاسكەسىنە سايكەستەندiرۋ قۇجاتىن قوسا بەرە وتىرىپ، تىركەۋ وبەكتىسىن راستايتىن قۇقىق بەلگىلەۋشى قۇجاتتار; الىم سوماسىن تولەگەنiن راستايتىن قۇجات).

         تەحنيكالىق تولقۇجاتتى ازىرلەۋ مەرزىمى جىلجىمايتىن مۇلىك وبەكتىسىنىڭ تۇرىنە بايلانىستى جاسالىنادى.

اتاپ ايتساق، پاتەرلەرگە، جاتاقحانالارداعى بولمەلەرگە تەحنيكالىق پاسپورت ءۇشىنشى جۇمىس كۇنi, جەكە تۇرعىن ۇيلەرگە، جەكە گاراجدارعا، ساياجاي قۇرىلىستارىنا تەحنيكالىق پاسپورت جەتىنشى جۇمىس كۇنi بەرiلەدi جانە ونىڭ باعاسى مۇلىكتىڭ اۋماعىنا بايلانىستى 3 مىڭ. تەڭگەدەن جوعارى بولادى.

باسقا جىلجىمايتىن وبەكتىلەرگە تەحنيكالىق تولقۇجاتتار ولاردىڭ اۋماعى مەن كۇردەلىلىگىنە بايلانىستى 20 جۇمىس كۇنىنە دەيىن جاسالادى.

كورسەتىلگەن مەرزىمدەرگە جىلجىمايتىن مۇلىك ورتالىقتارىنىڭ قىزمەتكەرلەرى سىزبەن كەلىسە وتىرىپ، تەحنيكالىق زەرتتەۋ جۇرگىزۋ ءۇشىن وبەكتىگە بارۋ جانە ونىڭ ناتيجەسىندە تەحنيكالىق تولقۇجاتتى ازىرلەپ، سىزگە بەرۋ كىرەتىنىن قوسىمشا اتاپ وتەمىن.

اباي-اقپارات

0 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1256
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 1984
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2026