باقتيار التىن العان كۇنى ومىرگە كەلگەن ۇلىمنىڭ اتىن باقتيار قويماق بولىپ، ازداپ ويلانىپ، رايىمنان قايتقان ەدىم. نە دەپ بولادى دەپ... ەرتەڭ ماسقارا بوپ جەڭىلىپ، نەمەسە ابىرويسىزدىققا ۇرىنىپ جاتسا قايتەم دەپ... ەندى ءبىرازدان بەرگى ارتاەۆ توڭىرەگىندەگى مىنا ۇلار-شۋعا ءوز پىكىرىمدى قوسسام دەپ ەم:
1. بوكسشىنىڭ قىزدى ۇرعانى دالەلدەنە باستادى. بۇزاقىلىق جاساعان باقتيار زاڭ الدىندا بارلىق ازاماتتارمەن تەڭ جاۋاپ بەرۋگە ءتيىستى. زاڭ اياسىندا قورعانۋعا دا تولىق قۇقىلى، ارينە;
2. ۇرعانى راس ەكەن، قىز بالادان كەشىرىم سۇراپ بەيبىت بىتىرۋگە نە كەدەرگى بولدى؟ كەۋدە مە باياعى؟ ەندى بۇل بىلىعىن موينىمەن كوتەرۋگە ءتيىس. ءبىر جاعى وزگەلەرگە دە ساباق بولادى. "ول قىز ماعان دا قول كوتەردى. ىشىمنەن يتەرىپ جىبەردى. كوزىمنىڭ استىندا تىرناعىنىڭ ءىزى قالدى" دەگەن سياقتى ۇياتتى تىرلىك جاساماعانى ءجون;
3. وليمپيادادا التىن مەدال الۋ - ادامشىلىقتىڭ شىڭىنا شىعۋ دەگەن ءسوز ەمەس. "باقتيار ءويتۋى مۇمكىن ەمەس. اناۋ قىز انداي-مۇنداي سياقتى" دەگەن سوزدەر ءبىزدىڭ قورتىق سانامىزدى كورسەتەدى. ول قىز جەزوكشە بولسا دا قول كوتەرۋگە رۇقسات بەرىلمەسە كەرەك-ءتى.

(قاسىم امانجولۇلىنىڭ   فەيسبۋكتەگى پارقاشاسىنان الىندى)