IT ۋنيۆەرسيتەتىندەگى جۋرناليستيكادان شىعارماشىلىق ەمتيحاننىڭ ەكىنشى كۇنىن كورىپ كەلدىك. قازاق توبىنا قۇجات تاپسىرعانداردىڭ سانى از، سوعان قاراعاندا كوپشىلىگى ءداستۇرلى تۇردە قازۇۋ-دىڭ جۋرفاگىنا بارعان سياقتى. ال، ورىس توبىنا تاپسىرعانداردىڭ سانى ەكى ەسە كوپ. كوپشىلىگى الماتىدان نەمەسە وزگە قالالاردان كەلگەن ەكەن. قازاق توبىنا تاپسىرعاندار ابايدىڭ قارا ءسوزىن وقيمىن، "اباي جولى", مۇقاعالي، مۇحتار شاحانوۆ دەيدى. وقىعان كىتابىنىڭ ءتىزىمى وتە شولاق. شەتەل ادەبيەتىن وقىدىم دەگەندەر مۇلدەم جوق، شاحانوۆتان وزگە قازىرگى كوزى ءتىرى اقىن-جازۋشىلاردىڭ ءبىرىنىڭ اتىن ەستىمەدىك. ەسەسىنە، ءبارى تەلەجۇلدىز بولعىسى كەلەدى. قازاق گازەتى دەسەڭ، ءبارى "ەگەمەن قازاقستان" مەن اۋداندىق گازەتتىڭ اتىن اتايدى. اندا-ساندا "ايقىن" مەن "الاش ايناسى". "جاس الاش" دەگەندى ءبىرى اتامادى. ەڭ كوپ كورەتىن حابارلارى "ايتۋعا وڭاي". ينتەرنەت تۇرماق، كوپشىلىگى اۋىلدارىندا ەكى-ءۇش ارنا ارەڭ كورسەتەتىنىن ايتادى. ءبىر قىز بالا ءتىپتى، "ينتەرنەتتەن گۋگلدى بىلەم" دەدى. شىنىمەن، اۋىلدارىمىزعا گازەت-جۋرنال تارالمايتىنى، الەۋمەتتىك جاعدايدىڭ مۇلدە تومەن ەكەنى بايقالدى. ال، ورىس توپتارىنا تاپسىرىپ جاتقاندار ينتەرنەت-جۋرناليستيكاعا بەيىم بولعىسى كەلەدى. گازەتكە ەشكىم بارعىسى كەلمەيدى. ولار دا پلاتونوۆ سياقتى حابار جۇرگىزسەك دەيدى. ءبارى "كازپراۆدانى" وقيتىنىن ايتىپ جاتىر ەدى، ءبىر قىز بالا گ.ەرعاليەۆانىڭ "ادام بول" جۋرنالىن وقيمىن دەيدى. ورىس توپتارىنا تاپسىرىپ جاتقانداردىڭ توقسان پايىزدان استامى قازاق بالالارى. قازاقشا تۇسىنەدى، ازداپ-ازداپ سويلەيدى. ولاردىڭ وزىپ تۇرعان تۇسى - قازىردىڭ وزىندە وزدەرى اۋەسقوي سيۋجەت ءتۇسىرىپ، وزدەرى مونتاجداي الادى ەكەن. ەكى توپقا تاپسىرىپ جاتقانداردىڭ دا ءبىلىم، پايىم دەڭگەيلەرى تەڭدەس. بىراق، قازاق توپتارىنا ۇياڭداۋ، ورىس توپتارىنا وتكىرلەۋ، وقىعان اقپاراتى كوپ قىز-جىگىتتەر كەلىپ جاتىر. بارىنە دە تىلەكتەسپىز!

فەيسبلوكتان