28 مامىر كۇنى الماتى وبلىسى، قاراساي اۋدانى، ىرگەلى اۋىلدىق وكرۋگىنە قاراستى كەمەرتوعان ەلدى-مەكەنىندەگى جەر داۋىنا قاتىستى تۇرعىنداردىڭ وبلىس اكىمىنە جازعان اشىق حاتىن جاريا ەتكەنبىز (http://abai.kz/post/view?id=743). بۇل حاتقا رەداكتسياعا جاۋاپ كەلدى. ونى 20 ماۋسىم كۇنى  جاريالادىق (http://abai.kz/post/view?id=1014). ال، بۇگىن الماتى وبلىسى اكىمىنىڭ ورىنباسارى اتىنان جازىلعان جاۋاپ حاتقا بايلانىستى كەمەرتوعان تۇرعىندارىنىڭ تاعى ءبىر حاتىن نازارلارىڭىزعا ۇسىنىپ وتىرمىز.

تۇرعىندار وبلىس اكىمى ورىنباسارى جازعان حاتتاعى سالىنۋى جوسپارلانىپ وتىرعان جولداردىڭ ءوز يەلىكتەرىندەگى جەر تەلىمدەرىنە قاتىسى جوق ەكەنىن ايتادى. سوندا قاراساي اۋدانى وبلىسقا قانداي مالىمەت جىبەرىپ وتىرعانى تۇسىنىكسىز.

الماتى وبلىسىنىڭ اكىمى

 ا.ت. مۇساحانوۆ مىرزاعا

 الماتى وبلىسى قاراساي اۋدانى

 كەمەرتوعان اۋىلى

 جاڭاقۇرىلىس تۇرعىندارىنان

قۇرمەتتى اڭسار تۇرسىنحانۇلى! 

وتكەن جولعى قاراساي اۋدانى كەمەرتوعان اۋىلى تۇرعىندارىنىڭ جازعان حاتىنا بايلانىستى ءوزىڭىزدىڭ جەكە بلوگىڭىزدەگى جاۋابىڭىزدا (جاۋاپ مەرزىمى: 16.06.2014, «اباي كز» پورتالىندا وبلىس اكىمىنىڭ ورىنباسارى ت.دوسىمبەكوۆ جاۋابى جاريالاندى 20.06.):  «ارىز يەلەرىنىڭ جەر ۋچاسكەلەرى قاراساي اۋدانىنىڭ ىرگەلى اۋىلدىق وكرۋگىنە قاراستى كەمەرتوعان اۋىلىنىڭ اۋىل شارۋاشىلىعى ماقساتىندا پايدالانۋعا ارنالعان جەرلەرگە جاتادى. كارتوگرافيالىق ماتەريالدارعا سايكەس، جەر ۋچاسكەلەردىڭ نىسانالىق ماقساتى شارۋا قوجالىعىن جۇرگىزۋ ءۇشىن بەرىلگەن.

 جەر ۋچاسكەلەردىڭ يەلەرى نىسانالى ماقساتىن جەكە تۇرعىن ءۇي قۇرىلىسىن سالۋعا نەمەسە وزىندىك قوسالقى شارۋاشىلىعىن جۇرگىزۋگە وزگەرتپەگەنى جانە اتالعان جەر ۋچاسكەلەرىندە تۇرعىن ۇيلەر سالىنعانى انىقتالدى»، – دەلىنگەن. بۇل اتالعان جەرلەردى وسى اۋىلدىڭ، اۋداننىڭ اتقا مىنەرلەرى قاراپايىم حالىققا وزدەرى: «وزىندىك قوسالقى شارۋاشىلىعىنا قالاعا قوسىلاردا وزگەرتىلەدى»، – دەپ ساتقان، حالىقتى سەندىرگەن. وزدەرى بولۋگە قول قويعان. سونداي-اق بولاشاقتا جەردىڭ پايدالانۋ نىسانى وزگەرتىلمەي، اۋىلشارۋاشىلىق ماقساتىندا قالاتىن بولسا، 7-8-10 سوتىقتان بولىنگەن جەرگە مال باعىپ، ەگىن سالۋ قاي اقىلعا سىيادى جانە ونى بىلە تۇرا حالىقتى مازاق ەتۋ ماقساتىندا بولە سالعانى ما؟

بۇل اۋىلدا اۋىل شارۋاشىلىعى ماقساتىندا پايدالانۋعا ارنالعان جەرلەر تەك بىزدەردىكى عانا ەمەس، وسى سالىنىپ جاتقان جاڭا قۇرىلىس تۇرعىندارىنىڭ بارلىعىنىكى دە سونداي. ولار دا ەندى-ەندى وزىندىك قوسالقى شارۋاشىلىعىن جۇرگىزۋگە اۋىستىرۋعا قام جاساپ جاتىر. نەگە بارلىعىن بىردەي ەتىپ قۇجاتتارىن رەتتەمەسكە؟! الدە بەكىتىلمەگەن جوباعا بولا، نە كوكتە ەمەس، نە جەردە ەمەس بولىپ وتىرامىز با؟

سونداي-اق: «...جوبالاۋشى مەردىگەر «گيس ينجينيرينگ» جشس-ءنىڭ جوبا-سمەتالىق قۇجاتتارىنا جانە ۇسىنعان كوورديناتتارىنا سايكەس، جەرگە ورنالاستىرۋ جۇمىستارىن جۇرگىزۋ بارىسىندا ارىز يەلەرىنىڭ جەر ۋچاسكەلەرىنەن ء«ۇاااج» دەيىن تەسىپ وتەتىن سالىنۋى جوسپارلانعان الماتى قالاسىنىڭ رىسقۇلوۆ كوشەسى وتەتىنى انىقتالدى.

 جول بەلدەۋىنىڭ ەنى 80 مەتر قۇرايدى، جانە وعان ارىز يەلەرىنىڭ جالپى كولەمى 3,85 گا قۇرايتىن (ازاماتتاردىڭ جەرلەرى 0,06 گا-0,08 گا بولىنگەن) 55 جەر ۋچاسكەسى تۇسەدى. ونىڭ 48 جەر ۋچاسكەسىنە تۇرعىن ءۇي سالىنعانى، 7 جەر ۋچاسكەسى يگەرىلمەگەن»، – دەپ جازىپسىزدار. ءبىزدىڭ جەرلەرىمىزدىڭ ەشقايسىسى دا قالادان كەلەتىن رىسقۇلوۆ  پەن اقىن سارا كوشەلەرىنە ەشقانداي دا قاتىسى جوق. ءسىزدىڭ قول استىڭىڭىزداعى قىزمەتكەرلەرگە وسى بولاشاقتا وتەتىن رىسقۇلوۆ، اقىن سارا كوشەلەرى نەگە باس تاقىرىپ بولعانىن تۇسىنە المادىق. تاعى دا ايتامىز، ءبىزدىڭ جەرلەردىڭ بۇل كوشەلەرگە ەشقانداي قاتىسى جوق.

ەكى ۇلكەن كوشەلەردىڭ ورتاسىندا قالاتىن، بەكىمەگەن جوسپارلارىڭىز بويىنشا جولدىڭ باسى 20 (جيىرما) مەتر، اياعى 6 (التى) مەتر بولىپ بىتەتىن، اقشا بەرگەندەردىڭ ۇيلەرىن اينالىپ وتەتىن ارالىق جولدار عوي!

«ارىز يەلەرى كەمەرتوعان اۋىلىندا قولدانىستاعى زاڭنامالاردىڭ تالاپتارىن بۇزا وتىرا جەكە تۇرعىن ءۇي قۇرىلىسى مەن وزىندىك قوسالقى شارۋاشىلىعى قۇرىلىسىن جۇرگىزگەن»، – دەلىنگەن. ءيا، بۇل دۇرىس. بىراق تا ارىز يەلەرى عانا ەمەس، جاڭادان سالىنىپ جاتقان ۇيلەر كەم دەگەندە 500, 600 (بەس ءجۇز، التى ءجۇز) شاماسىندا سالىنعان. ولاردىڭ دا قۇرىلىس سالۋعا دەگەن ەشقايسىسىنىڭ رۇقساتتارى جوق. بارلىعى دا اۋىل شارۋاشىلىعىن جۇرگىزۋ ماقساتىندا بەلگىلەنگەن جەر تەلىمدەرى. ءىشىنارا قۇجاتتارىن رەتتەگەندەر ساۋساقپەن سانارلىق قانا. تەك ولاردىڭ ۇستىلەرىنەن جول وتەدى دەگەن جوسپار بولماي تىنىش جاتقانى بولماسا، ءدال ءبىزدىڭ جاعدايىمىزداي. قاراساي اۋدانى ساۋلەت باسقارماسىنان قۇرىلىس سالۋعا رۇقسات الۋدىڭ ءوزى ءبىر ۇلكەن ماشاقات. اۋىلدىق، اۋداندىق باسشىلاردىڭ وزدەرى دە ءۇي سالۋعا الىنىپ وتىرعانىن كورىپ، ءبىلىپ وتىر عوي. قانشاما قۇرىلىس ءجۇرىپ جاتتى. سول كەزدە دە ولار ءۇي سالۋعا بولمايتىنىن ايتىپ نەگە ەسكەرتپەگەن؟ كەرىسىنشە، قۇجاتتاردىڭ رەتتەلەتىندىگىن ايتقان جوق پا؟ الدە وسىنداي شۋ بولاتىنىن بىلمەگەن بە، الدە سول قۇرىلىستىڭ اۋىل ىرگەسىندە ءجۇرىپ جاتقانىن كورمەگەن بە؟ ەندى كەلىپ ءۇي سالىپ جاتقاندار زاڭسىز سالىپ العان بولىپ شىقتى! ءبىز ۇكىمەتتەن جول سالۋدى، ەلەكتر جارىعىن، گاز، سۋ تارتۋدى سۇراپ وتىرعانىمىز جوق. حالىق بىرىگىپ جارىعىمىزدى، گازىمىزدى تارتىپ العانبىز. سۋدان دا ەش ماسەلە جوق. ءاربىر ۇيدە بالەنباي مەتردەن قازىپ شىعارىلعان اۋىز سۋىمىز بار. جولىمىزدى دا ءوزىمىز، حالىق بىرىگىپ جوندەپ جاتىرمىز. تەك سىزدەردەن ۇلتاراقتاي جەرىمىزدى وزىمىزگە قالدىرۋدى سۇرايمىز! قالعان ماسەلەنىڭ بارلىعىن ءوزىمىز كوتەرىپ، رەتتەپ جاتقانىمىزدى جوعارىدا ايتتىق. بۇل جاعداي رەتتەلمەگەندە، شەشىلمەگەندە حالىق شۋلايىن-اق دەپ تۇر! ال، ءبىزدىڭ جايىمىز بولسا مىناۋ بولىپ تۇر! «...ۇلكەن الماتى اينالما اۆتوموبيل جولىنا ء(ارى قاراي ءۇاااج) دەيىن تەسىپ ءوتۋ جوبالارىنىڭ تەحنيكو-ەكونوميكالىق نەگىزدەمەلەرى مەن جوبا-سمەتالىق قۇجاتتارى دايىندالۋدا، الايدا مەملەكەتتىك ساراپتامادان ءالى وتپەگەن», – دەگەن جولدار بار، ءوزىڭىزدىڭ جەكە بلوگىڭىزدەگى بەرگەن جاۋابىڭىزدا.

اكىم مىرزا، بەكىتىلمەگەن ماسەلە بولسا، ءبىر ىقپال جاساپ، قاراشا حالىقتىڭ باسىن داۋعا قالدىرماۋىڭىزدى وتىنەمىز!

جاڭاقۇرىلىس تۇرعىندارىنىڭ اتى-ءجون جانە جەر تەلىمدەرىنىڭ كاداسترلىق ءنومىرى:

يبرايموۆا ر.د. 03-047-117-48-33

 اناربەكوۆ ب.ت. 03-047-117-48-38

 بايشاپوۆا ك. 03-047-117-47-96

 دجامبۋلوۆ ت. 03-047-117-48-36

 تۋلەپوۆ م.ا. 03-047-117-49-86

 اباتاەۆا گ.ي. 03-047-117-39-22

 باباشەۆ ق.ج. 03-047-117-39-26

 ورىمباەۆا ر.ك. 03-047-117-41-83

 نازاربەكوۆا ب.ب. 03-047-117-41-76

 كانگەلديەۆ ت.ن. 03-047-117-41-75

 تۋرگانباەۆ پ. 03-047-117-48-30

 مايدان ە.ب. 03-047-117-48-32

 اسيلوۆا ا. 03-047-117-41-78

 سابيەۆا گ.ا. 03-047-117-41-74

 مۋستافاەۆ م. 03-047-117-48-34

 ماشيمباەۆا ا. 03-047-117-41-82

 كۋداباەۆا ن.ش. 03-047-117-41-77

 ماديەۆا و.ن. 03-047-117-49-90

 ماديەۆا و.ن. 03-047-117-49-92

 كۋلىمبەتوۆا ر. 03-047-117-48-10

 كەنباەۆ ع. 03-047-117-47-89

 كابىلوۆ م. 03-047-117-48-08

 كۋانىشباەۆ ت.س. 03-047-117-47-87

 بەكبولوۆا گ.ي. 03-047-117-41-56

 كالدىباەۆا ا.ك. 03-047-117-41-16

 نۋراحمەتوۆا ج.م. 03-047-117-44-32

 بايمۋحانبەتوۆا ق.ب. 03-047-117-44-44

 سابدەنوۆ ا.ن. 03-047-117-44-43

 تۋرلىبەكوۆ ا.ت. 03-047-117-10-19

 تۋرلىبەكوۆ ش.ت. 03-047-117-11-73

 قوبلانباەۆ ا.م. 03-047-117-44-45

 بەرەكەبۋسۋنوۆ ر.ت. 03-047-117-10-85

 وتارباي ت.ب. 03-047-117-41-17

 ساباەۆا ا. 03-047-117-44-47

 كايرليەۆا ي.س. 03-047-117-44-48

 جانابيلوۆا ا.س. 03-047-117-44-60

 ابدۋۆاليەۆ م.س. 03-047-117-44-58

 يساحانوۆا ا.ب. 03-047-117-44-6

 يبيشەۆ ا.ا. 03-047-117-44-64

 مۋستافاەۆ م.ە. 03-047-117-48-18

 ۋزبەكباەۆ ا.س. 03-047-117-48-17

 مۋتاليەۆ ر. 03-047-117-30-90

 ساعىندىقوۆ ق. 03-047-117-47-97

 رۋستەموۆ و. 03-047-117-22-54

 شىنىباەۆا س. 03-047-117-48-14

 حاسانوۆا ب.ك. 03-047-117-48-27

 ۋتەپوۆا ب.ي. 03-047-117-49-87

Abai.kz