بۇگىن ەلباسى بايلانىس جانە اقپارات اگەنتتىگىنىڭ توراعاسى اسقار جۇماعاليەۆتى قبىلدادى. قابىلداۋدا ا.جۇماعاليەۆ مەملەكەت باسشىسىنا اگەنتتىكتىڭ قازىرگى جۇمىسى، سونداي-اق وتاندىق اقپارات كەڭىستىگىن «اقپاراتتىق قازاقستان-2020» مەملەكەتتىك باعدارلاماسىنداعى مىندەتتەردى جۇزەگە اسىرۋدى ەسكەرە وتىرىپ دامىتۋ جوسپارلارى تۋرالى باياندادى. بۇل تۋرالى اقوردانىڭ ءباسپاسوز قىزمەتى حابارلادى.

اگەنتتىك توراعاسى بايلانىس جانە اقپارات سالاسىنداعى احۋال، مەملەكەتتىك باق-تاردىڭ جۇمىسى، مەديا-نارىقتى ىنتالاندىرۋ جانە كونتەنت ساپاسىن ارتتىرۋ شارالارى تۋراسىندا ايتتى. سونىمەن قاتار ول ينتەرنەت جەلىسىنىڭ وتاندىق سەگمەنتىنىڭ دامۋى جانە ساندىق ەفيرلىك تەلەۆيدەنيەنى ەنگىزۋ تۋرالى اڭگىمەلەدى.

اسقار جۇماعاليەۆتى تىڭداۋ بارىسىندا ەلباسى نۇرسۇلتان نازارباەۆ وكىلەتتىگى مەن قۇرىلىمى ايقىندالعان اگەنتتىكتىڭ تولىققاندى قىزمەتىنە كىرىسكەنىن جانە ونىڭ الدىنا قويىلعان ماڭىزدى مىندەتتەردى ءتيىمدى شەشۋى تيىستىگىن اتاپ ءوتتى ءارى اگەنتتىككە بىرقاتار ناقتى تاپسىرمالار بەردى. 

اباي-اقپارات