ۋكراينا پرەزيدەنتى پەتر پوروشەنكو ەلدىڭ رەسەيمەن شەكاراسىنا باقىلاۋدى كۇشەيتۋگە ەۋروپا وداعى مەن اقش-تان كومەك سۇرادى. ۋكراينا پرەزيدەنتى ءباسپاسوز قىزمەتىنىڭ حابارلاۋىنشا، پوروشەنكو بۇل تۋرالى گەرمانيا كانتسلەرى انگەلا مەركەلمەن تەلەفونمەن سويلەسكەندە ءوتىنىش ايتقان.

«ازاتتىق راديوسىنىڭ» جازۋىنشا پوروشەنكو ەلدىڭ شىعىسىندا قاقتىعىستاردى رەتتەۋ تۋرالى بەيبىت جوسپار قۇرعان. وندا شەكارادا 10 كيلومەترگە سوزىلاتىن بۋفەرلىك ايماق قۇرىپ، زاڭسىز قارۋلى توپتارعا قارسى تۇرۋ، زاڭسىز باسىپ الىنعان اكىمشىلىك عيماراتتارىن بوساتۋ، جەرگىلىكتى بيلىك ورگاندارى جۇمىسىن قالپىنا كەلتىرۋ جانە ورتالىق تەلەارنالار مەن راديوستانتسيالار جۇمىسىن قايتا جانداندىرۋ بار.

ۋكراينا پرەزيدەنتى بۇعان قوسا انگەلا مەركەلگە ۋكراينادا بيلىكتى ورتالىقسىزداندىرۋ، جەرگىلىكتى بيلىك ورىندارى مەن پارلامەنتكە مەرزىمىنەن بۇرىن سايلاۋ وتكىزۋ قاجەتىن ايتقان. گەرمانيا كانتسلەرى پوروشەنكونىڭ بەيبىت جوسپارىنا قولداۋ ءبىلدىرىپتى.

اباي-اقپارات