اقش پرەزيدەنتىنە رەسەيگە قارسى قولدانىلىپ جاتقان سانكتسيانى كۇشەيتۋ تۋرالى ءوتىنىش ءبىلدىرىلدى، - دەپ حابارلايدى Tengrinews.kz سايتى BBC-ءدىڭ ورىس ءتىلدى قىزمەتىنە سىلتەمە جاساپ. مۇنى اقش سەناتىنىڭ حالىقارالىق ىستەر جونىندەگى كوميتەت باسشىسى روبەرت مەنەندەس سۇراعان.

"مەن اكىمشىلىكتى قولدا بار بيلىگىن قولدانۋعا رەسەي ەكونوميكاسىنىڭ قارجى، ەنەرگەتيكا، تاۋ-كەن، مەتالل ءوندىرىسى، ينجەنەرلىك جانە قورعانىس سىندى بىرقاتار سەكتورىندا جۇمىس ىستەيتىن تۇلعالارعا قارسى سانكتسيا ەنگىزۋگە شاقىرامىن" دەگەن وباماعا جازىلعان مەنەندەستىڭ حاتىندا.

ساياساتكەردىڭ پىكىرىنشە، رەسەي ەكونوميكاسىنىڭ بىرقاتار سەكتورىنا قارسى قوسىمشا سانكتسيا شارالارى "ۋكراينداعى رەسەي فەدەراتسياسىنىڭ جاۋلاستىق، تۇراقسىزدىق ارەكەتتەرىنە" بايلانىستى قولدانىلۋى ءتيىس. مەنەندەس رەسەيلىك بيلىك ۋكرايناداعى قاۋىپسىزدىك كۇشتەرىنە شابۋىلداپ جاتقان ۋكراينا ىشىندەگى ساربازدار وتريادىن قوزدىرىپ، قولداپ، جاراقتاندىرۋدى جالعاستىرۋدا دەپ اتاعان.

اباي-اقپارات