جۇما, 13 جەلتوقسان 2019
46 - ءسوز 3258 0 پىكىر 13 ماۋسىم, 2014 ساعات 09:29

قازاقستان - رەسەي بودانىنا اينالعان با؟...


قازاقستان قالاي "ەۋرازيا ەكونوميكالىق وداعىنا" مۇشە بولدى، سولاي بىزدەگى مەملەكەتتىك باق اتاۋلى رەسەيدى جابىلا ناسيحاتتاي باستاۋدى جامان ادەتكە اينالدىرىپ العانىنا قايران قالامىن. ول رەسەيدى اسپەتتەپ، قازاق ۇلتىن قورلاۋدى قويار ەمەس.
بۇگىن، ياعني، 13.06.2014 ج. "قازاقستان" تەلەارناسىنىڭ "تاڭشولپان" باعدارلاماسى: "بۇگىن رەسەي جەڭىلونەركاسىپ قىزمەتكەرلەرىنىڭ كۇنى" دەگەن حاباردى تاڭەرتەڭگى ساعات 7.00- 9. 30-عا دەيىن ۇزدىكسىز جۇگىرتپە جول ارقىلى ناسيحاتتاي باستادى. بۇل قازاق ۇلتىن، قازاق مەملەكەتىن قورلاۋ ەمەي نەمەنە؟

قازاقستان ءۇشىن رەسەيدىڭ قايداعى ءبىر جەڭىلونەركاسىپ قىزمەتكەرلەرىنىڭ كۇنىنىڭ سونشالىقتى ماڭىزدى بولعانى ما؟
بۇل الدە پۋتينگە جاعىنۋ ما؟ نەمەسە ماسكەۋدەن سونداي بۇيرىق ءتۇستى مە؟ بولماسا، قازاقستاندىق بيلىكتىڭ نۇسقاۋى سونداي ما؟ كورشىمىزدىڭ الدىندا قۇرداي جورعالايتىنداي، ءبىزدىڭ  باسىمىزعا سونشالىقتى نە كۇن تۋدى ەكەن؟..

 

جۇماش كەنەباي

0 پىكىر