برازيليادا الەم چەمپيوناتىنىڭ اشىلۋ سالتاناتى ءوتتى. بۇل شاراعا ۇيىمداستىرۋشىلار توعىز ميلليون دوللار جۇمساعان. Alaman.kz-ءتىڭ جازۋىنشا ۇيىمداستىرۋشىلار اشىلۋ سالتاناتىندا برازيل ۇلتىنىڭ ءداستۇرىن فۋتبولمەن ۇشتاستىرا كورسەتۋگە تىرىسقان..

الەم چەمپيوناتىنداعى العاشقى ويىنى بولعان، برازيليا مەن حورۆاتيا اراسىنداعى كەزدەسۋدە 3:1 ەسەبىمەن برازيليا العاشقى جەڭىسكە جەتتى.  ويىننىڭ العاشقى گولى تاريحي گول بولدى، حورۆاتيا  شابۋىلشىسى يۆيتسا وليچ ويىننىڭ العاشقى ساتتەرىندە سول قاپتالدان ايىپ الاڭىنا پاس تاستاعان. ونىڭ پاسىن اۋتقا شىعارامىن دەپ ويلاعان برازيليالىق مارسەلو دوپقا اياعىن توسقاندا الا دوپ دوڭگەلەي بارىپ، جۋليو سەزار قاقپاسىنان تابىلدى. برازيلياعا جەڭىس سىيلاعان گولدار: نەيمار، 29 (1:1). نەيمار، 71 — س پەنالتي (2:1). وسكار، 90+1 (3:1). بۇل ويىندا نەيمار قارسىلاستار قاقپاسىنا 2 دوپ سوعۋمەن قاتار ەسكەرتۋدىڭ سارى قاعازىن دا الىپ ۇلگەردى. العاشقى ويىنعا جاپونيا ەلىنىڭ تورەشىلەرى قازىلىق ەتتى. ەستەرىڭىزگە سالاتىن بولساق العاشقى ويىن چەمپيوناتتىڭ اشىلۋ سالتاناتى بولعان سان-پاۋلۋ قالاسىنداعى «Arena de Sao Paulo» ستاديونىندا  ءوتتى.

اباي-اقپارات