مىناۋ – وزبەكتىڭ سىرىڭكەسى (1-سۋرەت). وزبەكستاندا وندىرىلگەن. قازاقستانعا يمپورتتالعان. ءبىز – 180 تەڭگەگە ساتىپ الدىق. وزبەكتەر وندىرگەن سىرىڭكەنىڭ وزىندىك ءۇش ەرەكشەلىگى بار.

1. سىرىڭكە قورابى سىرتىنداعى جازۋ – لاتىن الىپبيىندە. ياعني، ورىسشا، اعىلشىنشا تۇسىندىرمە جوق. بارىنە ورتاق – تۇسىنىكتى تىلدە.
2. وزبەكستاننىڭ حالىقارالىق تەلەفون كودى وزگەرگەن ەكەن. ۇلتتىق قاۋىپسىزدىك ماسەلەسىنىڭ ىشىندەگى بايلانىس قاۋىپسىزدىگىن باستى ورىنعا شىعارىپ، شەشىپ تاستاپتى.
3. يمپورت تاۋار. كورشىلەس ەلدەرگە ساۋدالاپ وتىر.

سىرىڭكە كۇندەلىكتى تۇرمىسقا قاجەتتى زات بولعاندىقتان سۇرانىس جوعارى. دەمەك، وزبەكتىڭ يمپورتتىق ساۋداسى قازاقستاندا قىزىپ تۇر. قىرعىزدىڭ شالبارى، بايپاعى سىقىلدى. ونى دا ءبىز تۇتىنىپ وتىرمىز.

قازاقستاندا سىرىڭكە وندىرىلمەيدى. سىرىڭكە بىلاي تۇرىپتى، تۇرمىسقا قاجەتتى ۇساق-تۇيەك زاتتار مۇلدەم شىقپايدى دەۋگە بولادى. سەبەبى، ءبىزدىڭ ەل دامىعان ەلۋ ەلدىڭ قاتارىنا كىرىپ، ەندى وزىق وتىزدىڭ ورتاسىنا قاراي قادام باسىپ وتىرعاندىقتان، سىرىڭكە-مىرىڭكە سەكىلدى مايدا-شۇيدە زاتتار وندىرمەيمىز. ونىڭ پايداسى از. ءبىز نەگىزىنەن، ءىرى، الەمدىك جوبالار جانە مۇناي-گاز، ءتۇستى-مەتالل سىقىلدى قازبا بايلىقتاردى يمپورتتاۋمەن عانا اينالىسامىز.

ءوزىڭىز ويلانىڭىزشى، اق تەر، كوك تەر بولىپ سىرىڭكە جاساعانشا، قىتايدان كەلەتىن كەرۋەن تولى تاۋاردى كوزدى جۇمىپ وتكىزىپ، ۇستىنەن تۇسەتىن ميلليونداعان اقشانى ءبىر ساتتە تابا سالمايمىز با؟!. سوسىن الگى الەمدىك جوبالارىمىز بار. كوك تيىن پايداسى جوق بولسا دا، اتاعى دارداي. سول ءۇشىن عوي    ...

سوندىقتان، وزبەكتىڭ سىرىڭكەسىن، قىرعىزدىڭ شالبارىن تۇتىنىپ، نانوتەحنولوگيامەن شۇعىلدانىپ جارقىن بولاشاققا قاراي جۇرە بەرەمىز.

سىرىڭكە دەيدى عوي... سىرىڭكەگە سىڭبىرگىمىز دە كەلمەيدى. سولاي...

Abai.kz