بۇدان بىلاي قازاقستاندا ەرەۋىلدەردى زاڭسىز دەپ تانۋ تۋرالى ىستەر جەدەلدەتىلەتىن بولدى، - دەپ حابارلايدى  Tengrinews.kz ەڭبەك جانە حالىقتى الەۋمەتتىك قورعاۋ ۆيتسە-ءمينيسترى سۆەتلانا جاقىپوۆانىڭ سوزىنە سىلتەمە جاساپ. بۇل تۋرالى ۆيتسە-مينيستر سەناتتىڭ الەۋمەتتىك-مادەني دامۋ جانە عىلىم كوميتەتىنىڭ كەڭەيتىلگەن وتىرىسىندا ءمالىم ەتكەن. 

"ازاماتتىق ءىس جۇرگىزۋ كودەكسىنە الەۋمەتتىك-ەڭبەك قاتىناستارىن رەتتەۋگە باعىتتالعان ەرەجەلەر ەنگىزۋ كوزدەلەدى. اتاپ ايتقاندا، الەۋمەتتىك-ەڭبەك جانجالدارىن رەتتەۋ تيىمدىلىگىن ارتتىرۋ، قۇقىقبۇزۋشىلىقتىڭ قوعامدىق-قاۋىپتى سالدارىن ازايتۋ ماقساتىندا ەرەۋىلدەردى زاڭسىز دەپ تانۋ تۋرالى ىستەردى سوتتاردىڭ قاراۋ مەرزىمىن 30 كۇننەن 10 كۇنگە قىسقارتۋ نورمالارى ۇسىنىلعان" – دەگەن ءوز سوزىندە س.جاقىپوۆا.

سونداي-اق، جاقىپوۆانىڭ سوزىنشە قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى" قر زاڭىنا الەۋمەتتىك شيەلەنىستىڭ جانە ەڭبەك جانجالدارىنىڭ الدىن الۋ ماقساتىندا - جەرگىلىكتى اتقارۋشى ورگاندارعا الەۋمەتتىك شيەلەنىستىڭ مونيتورينگىن جۇزەگە اسىرۋ جانە ەڭبەك جانجالدارىنىڭ تۋىنداۋ تاۋەكەلدەرىن بولجاۋ بويىنشا فۋنكتسيالاردى بەكىتىپ بەرەتىن نورمالار ۇسىنىلماق.

ايتا كەتەتىن بولساق ەلىمىزدە ءىرى ەڭبەك داۋى 2011 جىلى جەلتوقساندا بولدى. جەتى اي بويى ەڭبەك اقى مەن جۇمىسقا الۋداعى تەڭسىزدىكتى ايتىپ، نارازىلىق ەرەۋىل وتكىزگەن جاڭاوزەندىكتەردىڭ تالاپ ارىزىنا بيلىك قۇلاق اسپادى. بيلىك تاراپى ماسەلەنى شەشۋدىڭ ورنىنا بەيبىت حالىققا 16 جەلتوقساندا  وق اتىپ، اياۋسىز جازالادى.  سالدارىنان 16 ادام قازا تاپقان بولاتىن.

اباي-اقپارات