ۇبت-نىڭ العاشقى كۇنى الماتىداعى №178 ليتسەيدىڭ تۇلەگى ءابدىجاپپار ايعانىم باقىتقىزى ۇلتتىق بىرىڭعاي تەستىلەۋدەن ەڭ جوعارعى 125 باللدى جينادى. بۇل تۋرالى قازاقپارات حابارلاعان بولاتىن. العاشقى كۇننىڭ سىناعىنان سۇرىنگەندەردىڭ سانى 6233 ادام بولدى. ولار مينيمالدى قاجەتتى دەڭگەيدەن وتە المادى. ال 100-دەن جوعارى ناتيجە كورسەتكەندەردىڭ سانى 3797 بولعان. 2 ماۋسىم كۇنى تەستىلەۋگە 26 147 ءبىتىرۋشى قاتىستى، ونىڭ ىشىندە قازاق تىلىندە - 18 417, ورىس تىلىندە - 7 730 تۇلەك تاپسىردى. تەستىلەۋ ۇبت وتكىزۋ پۋنكتىنىڭ 61 بازاسىندا ءوتتى. العاشقى كۇنگى سىناق كەزىندە ءتارتىپ بۇزعانى ءۇشىن 13 تالاپكەر اۋديتوريادان شىعارىلدى. تەست تاپسىرۋشىلاردان 5 962 ۇيالى تەلەفون، 1 783 شپارگالكا، 121 كالكۋلياتور، 6 فوتواپپارات، 2 راتسيا تابىلعان.

ال، ۇبت-نىڭ ەكىنشى كۇنى سىناق تاپسىرۋشىلار  60 پۋنكت بازاسىندا تەست تاپسىردى. بۇل كۇنى ءتارتىپ بۇزعانى ءۇشىن 3 تالاپكەر اۋديتوريادان شىعارىلدى. تەست تاپسىرۋشىلاردان 2 307 ۇيالى تەلەفون، 2 641 شپارگالكا، 83 كالكۋلياتور، 13 فوتواپپارات، 4 راتسيا، 2 بليۋتۋز،1 قول سكانەرى، 1 كەڭسە پىشاعى تابىلعان. بۇل تۋرالى strategy2050.kz جازدى.
ەكىنشى كۇننىڭ قورتىندىسى بويىنشا، ەڭ جوعارى 125 باللدى الماتى قالاسىنداعى № 159 ليتسەيدىڭ تۇلەگى مارات ءاسيا جاندوسقىزى جيناعان. بۇل كۇنى رەسپۋبليكا بويىنشا  2 012 تۇلەك (11,6%) 100-دەن استام بالل جيناعان. 2013 جىلى مۇنداي ناتيجەگە 1 837 (8,4%) تۇلەك قول جەتكىزگەن بولاتىن. ەكىنشى كۇنگى ۇبت بالى ورتا ەسەپپەن العاندا 75,7-ءنى قۇراعان (2013 جىلى – 73,9 بالل). ەڭ تومەنگى كورسەتكىش 50 باللدى 3 883 (22,4%) تۇلەك جيناي الماعان. 2013 جىلى بۇل كورسەتكىش 6 895 (31,7%) بولعان.  

ۇبت-نىڭ ءۇشىنشى كۇنى، 4 ماۋسىمدا ۇبت-عا 24104 تۇلەك قاتىستى. تەستىلەۋ 69 پۋنكتتە ءجۇردى. تەستىلەۋ بارىسىندا ءتارتىپ بۇزعان 10 وقۋشى اۋديتوريادان شىعارىلعان. بۇل تۋرالى ءبىلىم مينيسترلىگىنە سىلتەمە جاساپ Zakon.kz جازدى. اۋديتورياعا تۇلەكتەردى كىرگىزۋ بارىسىندا 11046 تەلەفون، 7 533 شپارگالكا، 438 كالكۋلياتور، 82 فوتواپپارات، 8 راتسيا، 8 بليۋتۋز، 19 فلەش كارتا، 17 wi-fi قۇرىلعىلارى تاركىلەنگەن. ءۇشىنشى كۇننىڭ قورىتىندىسى بويىنشا ۇبت تاپسىرۋشى تۇلەكتەر اراسىندا ماكسيمال بالل جيناعاندار بولمادى. تەست تاپسىرۋشىلاردىڭ 24,2 پايىزى مەملەكەتتىك ۋنيۆەرسيتەتتەرگە تاپسىرۋدىڭ مينيمالدى بالىن جيناي الماعان.

Tengrinews.kz-تىڭ جازۋىنشا  ۇبت-نىڭ ءتورتىنشى كۇنى دە تۇلەكتەر ەڭ جوعارعى بالعا قول جەتكىزە المادى. 5 ماۋسىم كۇنى تەستىلەۋگە 9346 تۇلەك قاتىستى. سىناق 32 پۋنكتتە وتكىزىلدى. ءتارتىپ بۇزعانى ءۇشىن اۋديتوريادان شىعارىلعاندار بولعان جوق. ەسەسىنە، 2938 ۇيالى تەلەفون، 2574 شپارگالكا، 187 كالكۋلياتور، 16 فوتواپپارات، 7 راتسيا، 2 فلەشكا مەن 1 قول سكانەرى تاركىلەگەن.  بۇل كۇنى 100 بالدان جوعارى كورسەتكىشكە 1404 (15%) تۇلەك قول جەتكىزدى. ورتاشا بالل 78,2 بولدى. شەكتىك دەڭگەيگە جەتە الماعان تۇلەكتەردىڭ سانى - 888 (20,2%).

 
ۇلتتىق تەستىلەۋ ورتالىعىنىڭ مالىمدەۋىنشە، اعىمداعى جىلى قورىتىندى اتتەستاتتاۋدى ۇبت تۇرىندە تاپسىرۋعا 92 086 ءبىتىرۋشى تىلەك ءبىلدىردى. ونىڭ ىشىندە 63 606-سى قازاق تىلىندە جانە 28 480-ءى ورىس تىلىندە تاپسىرادى.

اباي-اقپارات