قازاقستاندىق دەرەكتى كينو رەجيسسەرى قاليلا وماروۆ كەنەسارى حاننىڭ باسى قايدا ەكەنىن توپشىلايدى. ول بۇل قۇپيانى ءوزىنىڭ ۇلىمەن بىرگە تۇسىرەتىن جاڭا كارتيناسىندا ايتىپ بەرمەكشى، دەپ جازادى «ەكسپرەسس-ك» گازەتىنە سىلتەمە جاساعان قازاقپارات.

قاليلا كەنەسارى حان جونىندە فيلم تۇسىرەتىن العاشقى رەجيسسەر ەمەس. ول تۋرالى لەنتانى جاڭابەك جەتىرۋوۆ پەن مارات قوڭىروۆ تا تۇسىرگەن، دەگەنمەن وماروۆتار بۇل جايتقا تەرەڭىرەك ۇڭىلمەك ەكەن. «قازاق حالقىنىڭ وكىلدەرى اراسىندا كەنەسارى جونىندەگى پىكىرلەر ارقالاي، بىرەۋلەر ونى بوستاندىق ءۇشىن كۇرەسكەن ۇلى حان دەپ سانايدى، ەكىنشىلەرى باسقاشا ۇستانىمدا».، - دەيدى رەجيسسەر.

وماروۆتىڭ ايتۋىنشا، جاڭا كارتينادا قازاقستاندىق، رەسەيلىك جانە قىرعىز زەرتتەۋشىلەرىنىڭ كوزقاراسى ۇسىنىلادى. ماتەريالداردى ىزدەستىرۋ ءۇشىن ءتۇسىرۋ توبى كەنەسارىنىڭ ورداسى ورنالاسقان جەردە بولدى، سونداي-اق ورىنبورلىق، ماسكەۋلىك جانە استانالىق مۇراعاتتاردى اقتاردى. ەندى كينەماتوگرافيستەر قازاق حانى جونىندە ديسسەرتاتسيا قورعاعان بارناۋل عالىمىمەن اڭگىمەلەسپەك.

اباي-اقپارات