قازاقستاننىڭ مۇسىلماندار وداعى مەن ورتا ازيالىق ادام قۇقىعى جونىندەگى كوميتەت قازاقستان پرەزيدەنتى نۇرسۇلتان نازارباەۆ پەن رەسەي پرەزيدەنتى ۆلاديمير پۋتينعا حالىقارالىق ەۋرازيالىق سوت قۇرۋ تۋراسىندا ۇسىنىس جاسادى. اتالعان سوت قۇرىلا قالسا مەملەكەت ارالىق قارىم-قاتىناستار مەن جەكە ازاماتتار قۇقىعى توڭىرەگىندە تۋعان داۋلى ماسەلەلەرگە تورەلىك وتپەك. بۇل تۋرالى Zakon.kz جازدى.

«وكىنىشكە وراي، گاگا سوتى، ەۋروپا سوتى جانە باسقا دا حالىقارالىق سوتتار بىزدەن الىس. سوندىقتان ءبىزدىڭ مەملەكەت ارالىق ماسەلەلەرىمىزگە شىنايى تورەلىك ەتە المايدى»، - دەپ مەملەكەت كوشباسشىسىنا باعىتتالعان حاتتا حالىقارالىق ەۋرازيالىق  سوتتى قۇرۋ قاجەتتىگى تۋرالى تولىقتاي تۇسىنىكتەمە جازىلعان. مۇسىلمان قۇقىق قورعاۋشىلارى اتالعان سوتتىڭ قۇرىلۋى مەملەكەت اۋماعىندا سوت جۇيەسىنىڭ دامۋى مەن بىركەلكىلىگىن كورسەتەدى دەپ سانايدى ەكەن.

اباي-اقپارات