قر ەنەرگەتيكا ءمينيسترى ۆلاديمير شكولنيكتىڭ ۇلى يگور شكولنيك رەسەي فەدەراتسياسى اۋماعىنداعى اكتيۆتەرىنەن قۇتىلۋدى كوزدەيتىن سىڭايلى. ورىس باسىلىمدارىنىڭ جازۋىنشا، ور (ورسك) مۇناي وڭدەۋ زاۋىتىنىڭ قوجايىنى بولىپ تابىلاتىن يگور ۆلاديميرۇلى قۇنى 1 ملرد. اقش دوللارىنان استام باسقارۋ پاكەتىن «رۋسسنەفت» كومپانياسىنا ساتىپ جىبەرگەن.

ورسك مۇناي وڭدەۋ زاۋىتى رەسەيدەگى ستراتەگيالىق ماڭىزعا يە نىسانداردىڭ ءبىرى بولاتىن. ول ىشكى رەسەيمەن قاتار قازاقستاننىڭ باتىس اۋماعىن دا مۇناي ونىمدەرىمەن قامتىپ وتىرعان الپاۋىت كاسىپورىن.

دەرەك كوزدەرى كىشى شكولنيكتىڭ بۇل زاۋىتقا 2011 جىلى قول جەتكىزگەنىن ايتادى. زاۋىتتىڭ رەسمي قوجايىنى كيپر ارالدارىندا تىركەلگەن «Cipation Holdings Ltd» كومپانياسى بولعان. بۇل كومپانيا قازاقستان ازاماتى ءارى بيلىك ەشولونىنداعى لاۋىزىمدى تۇلعا بولىپ تابىلاتىن ۆلاديمير شكولنيكتىڭ جاقىن تۋىسىنىڭ اتىنا تىركەلگەن ەكەن. ال، وسى اقپارات جاريا بولعان كەزدە ۇلكەن شكولنيك: «بۇل جەردەن ساياسات ىزدەمەڭىزدەر. بارلىق ادامدار سياقتى مەنىڭ تۋىستارىم دا بيزنەسپەن اينالىسۋعا قۇقىلى...» دەگەن ەدى.

سونىمەن، كىشى شكولنيكتىڭ ءوز باقىلاۋىنداعى اكتيۆتەرىن ساتۋعا شىعارا باستاۋىنىڭ باسقاشا استارى بولۋى مۇمكىن بە؟ بۇل - رەسەيدەگى قارجى داعدارىسىنىڭ سالدارىنان الدىن الا ساقتانۋ... نەمەسە سوڭعى كەزدەرى ۇلت پاتريوتتارىنىڭ ۇلكەن شكولنيككە قاتىستى ايتىلعان سىنىنان كەيىنگى ءىش تارتۋ بولۋى دا عاجاپ ەمەس. سوڭعى جاعدايدا باس ەنەرگەتيكتىڭ باسىنا بۇلت ءۇيىرىلىپ، وقيعا حراپۋنوۆتىڭ باسىنان وتكەرگەن جاعداي سياقتى ءوربۋى دە ىقتيمال... راس، بۇل دولبار عانا، اقيقاتىن ۋاقىت كورسەتەدى.

اباي.kz