ۇلى اباي ءومىرىنىڭ جارقىن ايعاعى بولارلىق قۇندى دەرەك جازباسى تابىلدى. ول قۇجات «قازاقتىڭ باس اقىنىنىڭ» (احمەت بايتۇرسىنۇلى) قايراتكەرلىك قىرىنان حابار بەرەدى.

ۇلت تاريحىندا اباي قۇنانبايۇلىنىڭ ءوز زامانىنداعى ساياسي – اتقارۋشى بيلىكتە دارەجەلى قىزمەت اتقارعانى بۇعان دەيىن دە انىق ەدى. ماسەلەن، ويشىل اقىننىڭ شىڭعىستاۋ ولكەسىندە بولىس بولىپ، ەل باسقارعانى جازۋشى مۇحتار اۋەزوۆتىڭ «اباي جولى» رومانىندا دايەكتى سۋرەتتەلەدى. اباي زامانىندا ءومىر سۇرگەن، اقىننىڭ كوزىن كورگەن تۇرعىلاستارى مەن تۋعان-تۋىستارىنىڭ ەستەلىك-شەجىرەلەرىندە دە قۇنانباي بالاسىنىڭ بولىستىق قىزمەتى جايلى ماعلۇماتتار جەتەرلىك. تەك، ەل اۋزىندا ادىلەتتى بي، كەمەڭگەر باسشى بولىپ سۋرەتتەلەتىن ابايدىڭ بۇل بولىستىق قىزمەتى جايلى رەسمي دەرەكتەر عانا تابىلماي تۇرعان ەدى. ەندى، مىنە، جوعىمىز تابىلىپ، كەمدىگىمىز تۇگەندەلگەن سياقتى.

اباي اتقا مىنگەن زامانمەن اراعا 121 جىل تۇسكەندە بارىپ، ۇلى ويشىلدىڭ شىڭعىستاۋ وڭىرىندە بولىستىق سايلاۋعا تۇسكەندىگىن ايعاقتايتىن رەسمي قۇجات تابىلدى. جادىرگەگە اينالعان جازبانى سەمەيدەگى اباي مۇراجايىنىڭ ديرەكتورى جاندوس اۋباكىر باستاعان ماماندار رەسەيدىڭ ومبى قالاسىنىڭ ورتالىق مۇراعاتىنان تاۋىپتى.

 ايتپاقشى، بۇعان دەيىنگى ءمالىم بولعان دەرەكتەردە ابايدىڭ 12 جىل بولىس بولعانى ايتىلاتىن ەدى. ال، مىنا تابىلعان تاريحي دەرەك بويىنشا ۇلى ويشىلدىڭ 15 جىل  بويىنا ەل اعاسى بولعاندىعى دالەلدەنىپ وتىر.

اباي.kz