سۇراق:

«تۇرعىن ءۇي قۇرىلىس جيناق بانكىنىڭ» جارنامالارىندا ءاربىر سالىمشىنىڭ دەپوزيتىنە 20 پايىز كولەمىندە سىياقى قوسىلادى دەپ جاتىر. سوندا بۇل سىياقى جالپى دەپوزيتتەر سانىنا بەرىلە مە، الدە جيناقتالعان اقشانىڭ كولەمىنە قاراي ما؟ وسىنى ءتۇسىندىرىپ جىبەرسە…

جازيرا، الماتى قالاسى. 

جاۋاپ:

الدىمەن، مەملەكەت تاراپىنان بەرىلەتىن سىياقى تۋرالى ءتۇسىنىپ الايىق. 100 پايىز مەملەكەتتىڭ قاتىسۋىمەن قۇرىلعاندىقتان «تۇرعىن ءۇي قۇرىلىس جيناق بانكىندەگى» ءاربىر جيناقتاۋشى دەپوزيتكە مەملەكەت كەپىلدىك بەرەدى جانە ىنتالاندىرادى.

ال، ەلىمىزدىڭ تۇرعىن ءۇي قۇرىلىس جيناق جۇيەسىن دامىتۋعا مەملەكەت قانا ەمەس، ەل تۇرعىندارى دا مۇددەلى بولۋى  ءتيىس. مىنە، بانك تاراپىنان دەپوزيتتەرگە بەرىلەتىن جىل سايىنعى 20 پايىزدىق سىياقى مولشەرلەمەسى وسى ىنتالاندىرۋ ماقساتىندا قولدانىلادى.

پايىزدىق ۇستەمە «تۇرعىن ءۇي قۇرىلىس جيناق بانكىندەگى» دەپوزيتتىڭ بارلىعىنا، ول بەلگىلى مەرزىم ارالىعىندا اينالىمدا بولعاندا تولەنەدى ياعني، مەملەكەت سىياقىسى جەلتوقسان ايىندا تولەنەتىن بولسا، جيناق شوتى كەمىندە ءتيىستى جىلدىڭ باسىندا اشىلۋى ءتيىس.

كوپ جاعدايدا سالىمشىلار جەكە سالىمدارىنا تولەنەتىن سىياقى مولشەرلەمەسى مەن مەملەكەت تاراپىنان بەرىلەتىن 20 پايىزدىق ۇستەمە سىياقىنى شاتاستىرىپ جاتادى. «تۇرعىن ءۇي قۇرىلىس جيناق بانكىندەگى» ء اربىر سالىمشىنىڭ قارجىسىنا تولەنەتىن سىياقى مولشەرلەمەسى 2 پايىز شاماسىندا. نەگىزىنەن سالىمشىلار ءۇشىن بۇل تومەنگى پايىز بولىپ كورىنۋى مۇمكىن، بىراق جىل سوڭىندا وسى پايىزدىڭ ۇلەسى 12,6 پايىزعا بىردەن كوبەيەدى. قاراڭىز، جوعارىداعى ايتقانىمىزداي ءاربىر دەپوزيتكە بەرىلەتىن مەملەكەتتىك سىياقى مولشەرلەمەسى 20 پايىز. بۇل جىلىنا ءبىر رەت تولەنەتىن جۇيە. وسىن ەسەپكە العان كەزدە ءسىزدىڭ دەپوزيتىڭىزگە تولەنەتىن جىلدىق ءتيىمدى مولشەرلەمە 12,6 پايىزدى قۇرايتىن بولادى. تاعى ءبىر ەستە ساقتايتىن جايت، جيناقتاۋ مەرزىمى ارالىعىندا مەملەكەت تاراپىنان تاعايىندالاتىن سىياقىنىڭ جالپى كولەمى 200 ايلىق ەسەپتىك كورسەتكىشتەن اسپايتىن دەپوزيتتەرگە قوسىلادى. ياعني، سالىمشىنىڭ اقشاسى ءبىر جىلداعى جيناقتاۋدىڭ جوعارعى شەگى بولىپ تابىلاتىن 370 400 تەڭگەدەن اسپاعان جاعدايدا، وعان 20 پايىزدىق ۇستەمە تولەنەدى.

دەمەك، مەملەكەت تاراپىنان تولەنەتىن 20 پايىزدىق سىياقى مقلشەرلەمەسىنە قىزىعىپ، ەسەپ شوتىنا ءجۇز مىڭداپ اقشا سالىپ، ەسەلەپ پايدا تابۋعا جول بەرىلمەيدى.

اباي-اقپارات.