قازاقستانعا رەسەيمەن تاتۋ كورشىلىكتەن باسقا جول جوق دەپ سانايدى نۇرسۇلتان نازارباەۆ.

تاۋەلسىزدىك كۇنىنە ارنالعان سالتاناتتى جيىندا نۇرسۇلتان نازارباەۆ:«رەسەيمەن جۇزجىلدىقتارعا جالعاسقان تاريحي جولىمىز ءبىر. «ادام دوسى مەن قاسىن ءوزى تاڭدايدى، ال كورشىنى قۇداي بەرەدى» دەگەن ءسوز بار حالىق اراسىندا. ءبىز رەسەيمەن قۇدايى كورشىمىز. وسىلاي بولدى، بولىپ كەلەدى جانە بولاشاقتا بولا دا بەرمەك»، - دەدى.

قر پرەزيدەنتى ەۋرازيالىق ەكونوميكالىق وداقتىڭ شەڭبەرىندە ينتەگراتسيالىق ۇردىستەر شىندىققا اينالىپ كەلەدى دەپ قاداپ ايتتى.

-          قازىر ءبىزدىڭ ورتاق تاريحىمىز ەۋرازيالىق ەكونوميكالىق وداق اياسىنداعى ىقپالداستىق ءۇشىن بەرىك نەگىز بولىپ قالىپتاستى. وسىدان 20 جىل بۇرىن مەن ۇسىنعان بۇل يدەيا شىندىققا اينالدى. جانە 2015 جىلدىڭ 1 قاڭتارىنان باستاپ ەۋرازيالىق ەكونوميكالىق وداق ءوز جۇمىسىن باستايدى، -  دەپ قورىتتى رەسەيمەن اراداعى قارىم-قاتىناسقا بايلانىستى ويىن ن.نازارباەۆ.

اباي-اقپارات