سۇراق:

قۇرمەتتى اباي.kz! مەنىڭ بانك وكىلدەرىنە قوياتىن سۇراعىم بار ەدى. سىزدەر جازىپ جاتقانداي، جۇمىس جۇرگىزىلىپ وتىر ەكەن، بىراق،  «قولجەتىمدى باسپانا - 2020» باعدارلاماسى باسپاناسىز ادامدار شوعىرىن تولىقتاي ۇيمەن قامتاماسىز ەتە الا ما؟

اقسۇلۋ بولاتايقىزى،

الماتى قالاسى.

 قتقجب ءباسپاسوز قىزمەتى: 

ارينە، ورىندى ءارى قيىن سۇراق. جالپى، قازاقستان سياقتى قارقىندى دامىپ وتىرعان كورشى ەلدەردىڭ ەشقايسىندا ءتيىمدى تۇرعىن ءۇي قۇرىلىس جۇيەسى جۇمىس ىستەپ وتىرعان جوق. ءمۇنى ءبىزدىڭ مەملەكەتتىك ساياساتتىڭ جەمىسى دەپ باعالاۋىمىز كەرەك. ەندى سۇراققا كەلەيىك: ەلىمىزدەگى دەموگرافيالىق ءوسىمدى ەسەپكە الساق، تۇبەگەيلى جاۋاپ بەرۋ قيىن. ونىڭ ۇستىنە قازاقستانداعى ءۇربانيزاتسيا ءۇردىسى قوعامداعى باسپاناعا دەگەن سۇرانىستى تىپتەن ارتتىرىپ جىبەرۋدە. سوندىقتان، «قولجەتىمدى باسپانا - 2020» باعدارلاماسى باسپاناسىز ادامدار شوعىرىن تولىقتاي ۇيمەن قامتاماسىز ەتە الادى دەپ كەسىپ ايتۋدى مىندەمىزگە المايمىز.

ال، 2012-2020 جىلدارعا ارنالعان باعدارلامانىڭ ءبىرىنشى باعىتى اياسىندا 3 ملن شارشى مەتر باسپانا تاپسىرۋ جوسپارلانسا، ەكىنشى باعىتى بويىنشا 1,5 ملن شارشى مەتر ءۇي سالىنباقشى. قازىرگى تاڭدا 425 مىڭ ادام ءبىزدىڭ بانكپەن شارت جاساسقان. ولاردىڭ 35 پايىزى «قول جەتىمدى باسپانا-2020» باعدارلاماسىنا قاتىسۋعا نيەت بىلدىرگەن. بۇگىنگە دەيىن بانك جەلىسى بويىنشا قارجىلاندىرىلعان تۇرعىن ءۇيدىڭ اۋماعى جىل سايىن 500 مىڭ شارشى مەتردەن اسىپ وتىر. باسپانا باعاسىنىڭ شارشى مەترگە شاققانداعى قۇنى: ايماقتاردا 90 مىڭ تەڭگەدەن اسپاسا، استانا مەن الماتى قالاسى ءۇشىن 142 مىڭ تەڭگەنى قۇرايدى. ال، «قول جەتىمدى باسپانا-2020» باعدارلاماسى شەڭبەرىندە 6 ملن. شارشى مەتر تۇرىعىن ءۇي سالۋ كوزدەلگەن.

اباي-اقپارات.