ساۋال:

«تۇرعىن ءۇي قۇرىلىس جيناق بانكىنە» كەزەككە قالاي تۇرادى؟

جاۋاپ:

باسىن اشىپ الاتىن جايت،  «تۇرعىن ءۇي قۇرىلىس جيناق بانكى» جۇيەسى بويىنشا ەكى باعىتتا قارجىلاندىرۋ جۇرگىزىلەدى. ءبىرىنشىسى – تۇرعىن ءۇي قۇرىلىس جيناق جۇيەسى. ەكىنشىسى – مەملەكەتتىك باعدارلامالاردىڭ قاتىسۋشىسى رەتىندە. كەيىنگى توپقا «قول جەتىمدى باسپانا-2020» باعدارلاماسىن جاتقىزۋعا بولادى. الدىمەن، تۇرعىن ءۇي قۇرىلىس جيناق جۇيەسىنە قارجى سالعىسى كەلەتىندەرگە كەڭەس بەرەلىك:

تۇرعىن ءۇي قۇرىلىس جيناق جۇيەسى ارقىلى بەرىلىپ جاتقان ۇيدەن ءۇمىتتى ادامدارعا اكىمدىككە نەمەسە باسقا دا رەسمي ورىندارعا بارىپ كەزەككە تۇرۋدىڭ قاجەتى جوق. كەز-كەلگەن ازامات بانك سالىمشىسى بولىپ تىركەلگەن ۋاقىتىنا، ەسەپشوتقا جيناپ جۇرگەن اقشاسىنىڭ كولەمىنە بايلانىستى ۇيگە ءۇمىت ارتادى. ياعني، بانك سالىنىپ جاتقان ءۇيدى ساتۋعا ىعارار كەزدە حابارلاندىرۋ بەرەدى. سالىمشى سول كەزدە تاڭداعان ۇيىنەن پاتەر ساتىپ الۋ ءۇشىن ارىز بەرەدى. وسى ارىز نەگىزىندە جيناق ەسەپشوتتارىنىڭ جاعدايى بويىنشا كەزەككە تۇرادى. دەمەك، ءبارى سالىمشىلاردىڭ جيناعان قاراجاتىنىڭ كولەمى مەن جيناق مەرزىمىنىڭ ۋاقىتىنا بايلانىستى بولىپ وتىر.