سارسەنبى, 28 شىلدە 2021
جاڭالىقتار 3613 0 پىكىر 4 جەلتوقسان, 2014 ساعات 12:45

باسپانا باقىتى: اتىراۋلىق انانىڭ العىسى

 

«قازاقستان تۇرعىن ءۇي قۇرىلىس جيناق بانكىنەن» ەسەپ-شوت اشۋعا نيەت ەتكەن جاس وتباسى از جىلدار ىشىندە سۋ جاڭا باسپاناعا قول جەتكىزەتىندىگىنە ءشۇباسىز سەنەدى. ويتكەنى، قازىرگى كۇنى بانك سالىمشىسى بولۋ ارقىلى قول جەتىمدى تۇرعىن ۇيگە يەلىك ەتۋ مۇمكىندىگى جوعارى.

بۇگىندەرى بانكتىڭ قولداۋىمەن باسپاناعا قول جەتكىزىپ، وتباسى باقىتىنا بولەنىپ وتىرعان جانداردىڭ ۇلكەن شوعىرى ءار ايماقتان تابىلادى. سولاردىڭ ءبىرى، اتىراۋ قالاسىنىڭ تۇرعىنى  گۇلفايرۋز ءابساتتاروۆا. ء«وز شاڭىراعىڭدا وتىرىپ شاي ىشكەنگە نە جەتسىن... پاتەر جالداپ، كوشىپ-قونىپ جۇرگەن كۇندەر ارتتا قالدى عوي. بىرنەشە جىل جولداسىمىز ەكەۋىمىز ءۇي جالداپ تۇردىق قالادا. ەكەۋىمىزدە جۇمىس جاسايمىز. جولداسىم اۋەجايدا وپەراتور قىزمەتىن اتقارادى، مەن ءوزىم مەكتەپ ۇيىرمە جەتەكشىسى بولىپ جۇمىس جاسايمىن. ەكى بالامىز بار. وسىنداي پاتەرگە يە بولعانىمىزعا وتە قۋانىشتىمىز. العىسىمىز شەكسىز، تۇرعىن ءۇي قۇرىلىس جيناق بانكىنە!» - دەيدى ول.

ايتپاقشى، اتىراۋ وبلىسىندا  جىل باسىنان بەرى 5 كوپ قاباتتى ۇيدەن 318 پاتەر قولدانىسقا بەرىلدى. ولاردىڭ كوپشىلىگى از قامتىلعان نەمەسە كوپ بالالى وتباسى، مۇگەدەكتەر مەن اپاتتى جاعدايدا تۇرعان ۇيلەردىڭ تۇرعىندارى. جالپى بيىل ايماقتا مەملەكەتتىك تۇرعىن ءۇي باعدارلاما اياسىندا سالىنۋى ءتيىس قۇرىلىس وتە قارقىندى ءجۇرىپ جاتىر. جىل اياعىنا دەيىن ءالى 32 كوپقاباتتى ءۇي تۇرعىزىلىپ، 1830 پاتەر قولدانىسقا بەرىلمەك.

اباي-اقپارات

0 پىكىر