تۇڭعىش پرەزيدەنت كۇنىنە وراي الماتى قالاسىنىڭ اكىمى احمەتجان ەسىموۆ 408 وتباسىعا جاڭا پاتەرلەردىڭ كىلتىن تابىستادى.

قالانىڭ الاتاۋ اۋدانىنا قاراستى «العاباس» تۇرعىن ءۇي كەشەنىنەن بەرىلگەن پاتەرلەر «تۇرعىن ءۇي قۇرىلىس جيناق بانكى» اق قارجىلاي قولداۋىمەن سالىنعان بولاتىن.  بيىل الماتىدا «قولجەتىمدى باسپانا-2020» باعدارلاماسى اياسىندا 1600 وتباسى ءۇيلى بولدى. ال پاتەرلى بولعان 408 جانۇيانىڭ «تۇرعىن ءۇي قۇرىلىس جيناق بانكىنە» دەگەن ريزاشىلىقتارى شەكىسىز.

– بانكتىڭ جيناقتاۋ جۇيەسى ءتۇرالى ەستىگەن بويدا كەڭەس الىپ، اقشا جيناۋعا كىرىستىم. مەن جاس وتباسىمىن، جاسىم 23-تە، جۇبايىم، بالام بار. بانك تاراپىنان بەرىلەتىن سىياقى ارقاسىندا جيناعان قارجىمىز باسپانا قۇنىنىڭ 50 پايىزىنا جەتىپ، بۇگىن ءوز ۇيىمىزگە كىرىپ وتىرمىز، - دەيدى الماتىلىق الىشەر تۇرداليەۆ.

– ءبىزدىڭ قۋانىشىمىزدا شەك جوق، بانككە اقشا جيناعالى ءبىراز ۋاقىت بولعانىمەن، مىنانداي دايىن پاتەرگە كىرەتىن كۇن كوپ كۇتتىرمەي كەلەتىنىنە سەنبەگەن ەدىم... وتباسىلى بولعاسىن اتا-انامىزبەن بىرگە تۇرىپ كەلدىك. ەندى ءوز شاڭىراعىمىز بولادى، وسىنداي مۇمكىندىك بەرگەنى ءۇشىن «تۇرعىن ءۇي قۇرىلىس جيناق بانكىنە» العىسىم شەكسىز، - دەيدى باسپانالى بولعان تاعى ءبىر جاس وتاعاسى عالىم مولدابەك.