جۇما, 29 ناۋرىز 2024
بيلىك 5099 0 پىكىر 25 قاراشا, 2014 ساعات 12:41

ەلگە ايرىقشا مىندەت جۇكتەيدى

شىعىس قازاقستان وبلىسىنا جاساعان جۇمىس ساپارىنىڭ اياسىندا «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك پارتيانىڭ وڭىرلىك فيليالىنىڭ XVI ەسەپتىك-سايلاۋ كونفەرەنتسياسىنا قاتىسىپ، ەلباسى جولداۋىنىڭ كەشەندىك تۇرعىدا بولاشاقتىڭ ينفراقۇرىلىمىنا ينۆەستيتسيا جاساۋعا جول اشىپ وتىرعانىن اتاپ ءوتتى. 

­- پارتيامىزدىڭ ليدەرى نۇرسۇلتان نازارباەۆتىڭ باسشىلىعىمەن «نۇر وتان» ەلدىڭ ىنتىماعىن قامتاماسىز ەتە وتىرىپ، ازاماتتاردىڭ ءومىر ساپاسىن جاقسارتۋ ءۇشىن اۋقىمدى جۇمىستى ابىرويمەن اتقارىپ كەلەدى. «نۇرلى جول» جاڭا ەكونوميكالىق ساياساتىن جاريالاعان بيىلعى جولداۋ پارتيامىزعا دا، ءبۇتىن ەلگە دە ايرىقشا مىندەتتەر جۇكتەيدى، - دەدى نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك. ساياساتكەردىڭ ايتۋىنشا، جاھاندىق داعدارىستان سۇرىنبەي ءوتۋدىڭ جانە دامۋدىڭ الداعى ونداعان جىلىن قامتيتىن وسى جوبانىڭ باستى ءتۇيىنى – ينفراقۇرىلىمدى دامىتۋ ارقىلى الىستى جاقىنداتىپ، ەلدىڭ ىشكى الەۋەتىن كۇشەيتۋ، تۇتاستىعىمىزدى نىعايتۋ. مۇنىڭ ىشىندەگى ەڭ ماڭىزدى جايت – الەمنىڭ دامىعان 30 ەلىنىڭ قاتارىنا قوسىلۋدا ەلدىڭ ىركىلمەۋىن قامتاماسىز ەتۋ. «جاڭا جوبالارعا كەلسەك، مامانداردىڭ ەسەبىنشە، تەك جول قۇرىلىسى عانا 200 مىڭنان استام جۇمىس ورىنىن اشۋعا مۇمكىندىك بەرىپ، بولىنەتىن قارجىنىڭ ەڭ كەمى 1 ميلليارد دوللارى جۇمىسكەرلەردىڭ جالاقىسىنا جۇمسالادى. جالپى، 24 ميلليارد دوللار قارجىنىڭ قوماقتى پايىزى سالىق رەتىندە بيۋدجەتكە ءتۇسىپ، ول جەر-جەردەگى كۇردەلى ماسەلەلەردىڭ شەشىلۋىنە، حالىقتىڭ يگىلىگىنە جاراتىلاتىن بولادى»، - دەپ ويىن جالعادى ب.بايبەك.

سونىمەن قاتار، پارتيا توراعاسىنىڭ ءبىرىنشى ورىنباسارى مەملەكەت باسشىسىنىڭ «نۇرلى جول» اياسىندا بولىنەتىن قارجىنىڭ مۋلتيپليكاتيۆتى ناتيجە كورسەتەتىنىنە سەنىم ءبىلدىرىپ وتىرعانىن جەتكىزدى. ياعني، تاپسىرماعا سايكەس، حالىققا، مەملەكەتكە مەيلىنشە پايدا كەلتىرەتىن سالالارعا عانا قاراجات جۇمسالاتىن بولادى. «ينفراقۇرىلىم سالۋدىڭ ساۋدا-ساتتىقتى، حالىقارالىق ءترانزيتتى ارتتىراتىنى انىق. اتاپ ايتقاندا، مۇنىڭ الەۋەتتىك تۇرعىدا قۇرىلىس ماتەريالدارى ءوندىرىسىنىڭ دامۋىنا مۇرىندىق بولىپ، ماشينا جاساۋدىڭ وركەندەۋى، اۋىلدىق جەرلەردى نارىقتىق اينالىمعا قوسىلۋىن قامتاماسىز ەتەتىنى جانە باسقا دا كەلەلى ناتيجەلەرگە قول جەتكىزۋگە سەبەپ بولاتىنى ءسوزسىز»، - دەپ تۇيىندەدى ساياساتكەر.

ايتا كەتەيىك، ەسەپتىك-سايلاۋ كونفەرەنتسياسىنا 500-دەن اسا پارتيا وكىلى قاتىسىپ، وبلىستىڭ جاڭا باسشىسى دانيال احمەتوۆ «نۇر وتان» پارتياسىنىڭ شقو- داعى فيليالىنىڭ توراعاسى بولىپ سايلاندى. بۇدان بولەك، شقو-داعى پارتيا فيليالى ساياسي كەڭەسىنىڭ جاڭارتىلعان قۇرامى انىقتالىپ، ونداعى مەملەكەتتىك قىزمەتكەرلەردىڭ 25%-عا قىسقارتىلۋىنىڭ ەسەبىنەن ۇەۇ وكىلدەرىنىڭ سانى 2 ەسەگە كوبەيتىلدى. 

Abai.kz

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3624