كەشە قوياندى اۋىلىنىڭ تۇرعىندارى (اقمولا وبلىسى، تسەلينوگراد اۋدانىنا قاراستى وكرۋگ) قر پرەزيدەنتى ن. نازارباەۆتىڭ اتىنا اشىق حات جازىپ، اقورداعا الىپ بارىپ تاپسىردى. قوياندىلىقتار اشىنا جازعان اشىق حاتتا بىلاي دەلىنگەن:            

 قازاقستان رەسپۋبليكاسى پرەزيدەنتى

       ن.ا.  نازارباەۆقا

قۇرمەتتى نۇرسۇلتان ءابىشۇلى!

                   پروكۋرور، پوليتسيا جاساقتارىن ەرتكەن تسەلينوگراد اۋدانى اكىمىنىڭ ورىنباسارى ا.ك. ايتقوجينوۆا  ورالمانداردى قورقىتىپ «نۇرلى كوشتى»، «مۇڭلى كوشكە» اينالدىرۋعا ماجبۇرلەپ، كوشتىڭ بەتىن كەرى بۇرماقشى .   

       2014 جىلى، قاراشانىڭ 1 كۇنى   تسەلينوگراد اۋدانى اكىمىنىڭ ورىنباسارى ا.ك.ايتقوجينوۆا اۋداندىق ءماسليحاتتىڭ حاتشىسى ر.ج. قويانباەۆتى  اۋداندىق پروكۋرور قۋانىشباەۆ دانياردى، ىشكى ىستەر باستىعىنىڭ ورىنباسارى مەدەۋباەۆ ەرمەكتى پوليتسيالارىمەن قوياندى اۋىلىنا ەرتىپ كەلىپ، اۋىل اكىمى مەيىرمانكۋلوۆا التىناي  اۋىل تۇرعىندارىنىڭ ءبىر-بىرىنە جالا جاۋىپ، ارىز جازۋعا ماجىبۇرلەپ،  قىسپاققا الدى. تەرگەۋشى قاناتباەۆ سەرىك: ء«ىىب-ىنە كەل، كۋا بولاسىڭ، قولىڭدى قويىپ كەت، كەلمەسەڭ ءوزىڭدى جاۋاپقا تارتامىز»، دەپ قوڭىراۋ شالىپ مازا بەرمەيدى ء(ۇنتاسپادا بار). ال،  ا.ايتقوجينوۆا كەڭەسشى ق. احمەتوۆتى ەرتىپ الىپ (بەينە تاسپاسى بار) سوتتىڭ شەشىمىنسىز، قولدارىندا قۇجاتتارى بولسا دا، قوياندى مەن شۇبار اۋىلدارىنداعى ورالمانداردىڭ جالعىز باسپانالارىن قوپارىپ، دەگەنىنە جەتسە، ەندى ءبىزدى (ورالمانداردى) زاڭ بىلمەيدى دەپ، قوياندىدا اكىمنىڭ كەڭسەسىندە پوليتسيا، پروكۋرورلارىمەن قورقىتىپ، قۇدايدان قورىقپاي ورالمانداردى ماجبۇرلەپ، تىپتەن، اۋىل اكىمى مەيىرمانكۋلوۆا ءبىر ورالمان ايەلدى، يىعىنان باسىپ، كۇشتەپ، «سەن سىرتقا شىققاسىڭ جازبايسىڭ، قاشىپ كەتەسىڭ» دەپ، ن دەگەن ازاماتشاعا «سەن جەتى مىڭ دوللار بەردىم» دەپ جاز دەپ قىلمىسقا يتەرمەلەپ وتىر. وسىلايشا ا.ك.ايتقوجينوۆا قاراماعىنداعىلارىمەن، پوليتسيالارمەن قورقىتىپ، ءبىزدىڭ قولىمىزبەن جالا جاۋىپ ارىز جازعىزىپ، قىلمىسقا يتەرمەلەپ، ءوز « ساياساتىن» ءارى قاراي جالعاستىرۋدا. بۇل نە سۇمدىق! قايدا شاعىمدانساق تا (ق.قاسىموۆقا، ق.پ.قوجامجاروۆ، ن.ز.نىعماتۋللين، ب.ق.بايبەك)  تەلەارنالار كوتەرىپ  جاتسا دا، ءبىزدىڭ جانايقايىمىزعا قۇلاق تۇرەر ەشكىم جوق. ونىڭ ەسەسىنە كۇنى بۇگىنگە دەيىن قوياندى اۋىلىنىڭ تۇرعىندارى ا.ك.ايتقوجينوۆانىڭ ەزگىسىندەمىز.  ءىىبب ورىنباسارى ە.مەدەۋباەۆ: «جەردى جەكەمەنشىك «سارىارقا تابىستان» الىڭدار، ونىڭ قۇجاتتارى زاڭدى، قوياندىدا جەر جوق، سەندەردىڭ قۇجاتتارىڭ زاڭسىز. ايتپەسە زەرەندىگە بارىڭدار، جەكەمەنشىك شارۋاشىلىق بار، سوعان بارىپ جۇمىس ىستەڭدەر 3 قاباتتى جاتاقحاناسى بار»، - دەدى. ءبىز ەشقانداي الاياقتان جەر ساتىپ العان جوقپىز! قولىمىزداعى قۇجاتىمىزدى زاڭدى تۇردە راسىمدەپ بەرسىن! ءبىز اتا جۇرتقا بىرەۋگە مالاي بولۋعا كەلگەن جوقپىز! ورالماندار زاڭ بىلمەيدى دەپ سەنبى جەكسەنبىگە قاراماي پوليتسيالارىمەن قورقىتىپ جۇرگەن ا. ايتقوجينوۆا مەن ا.مەيىرمانقۇلوۆا ازعانا اۋىل ادامدارىن الاۋىزدىقپەن ارانداتپاي،  جاۋاپقا تارتىلسىن! قورقىتىپ ۇركىتىپ، كۇندىز كۇلكى، تۇندە ۇيقىدان ايىراتىنداي ءبىزدىڭ تاعدىرىمىز نادان، ساۋاتسىز اكىمدەر ا.ك.ايتقوجينوۆا، ا.مەيىرمانقۇلوۆالارعا ويىنشىق پا، نەگە ولار قىزمەتتەرىنەن كەتپەيدى؟!.

ءسىز باستاعان «نۇرلى كوشكە» ءوشى بارداي جاۋىعىپ جۇرگەندەرگە ءبىر شارا بولادى دەپ سىزگە حات جازدىق.                

قوياندى اۋىلىنىڭ تۇرعىندارى:

Abai.kz