قىزىلوردا وبلىسىنىڭ بيۋدجەتى 211,7 ملرد. تەڭگەنى قۇراپ، 26,5 ملرد. تەڭگەگە ۇلعايدى. «جۇمىسپەن قامتۋ – 2020» جول كارتاسىنىڭ  كومەگىمەن قىزىلوردا وبلىسىندا  2014 جىلى جۇممىسسىزدىق 5 پايىزعا دەيىن ازايدى. 9 ايدىڭ كورسەتكىشى بويىنشا سالىق تۇسىمدەرى 15 پايىزعا ارتتى.

ەلباسىنىڭ ۇدەمەلى يندۋستريالدى – يننوۆاتسيالىق دامۋ جونىندەگى تاپسىرماسىن ورىنداۋدا ايماقتا اۋقىمدى جۇمىستار اتقارىلىپ جاتىر. سونداي-اق، ءوندىرىستى ءارتاراپتاندىرۋ باستى مىندەتتەردىڭ ءبىرى بولىپ بەلگىلەندى.

قىزىلوردا وبلىسىندا شىنى زاۋىتىنىڭ قۇرىلىسى قاراشا ايىندا باستالادى. بۇگىندە قازاقستان تۇرمىسقا قاجەتتى شىنىلاردى (شىنى تاباقشالارىن) قىتاي، رەسەي، قىرعىزستان جانە تۇركيادان ساتىپ الىپ وتىر. بۇل جوبا جۇزەگە اسقان جاعدايدا جىلىنا 200 مىڭ توننا شىنى شىعارىلادى. وسى ارقىلى ىشكى قاجەتتىلىكتىڭ 70 پايىزىن وتەپ، قالعان 30 پايىزىن ورتالىق ازيا ەلدەرىنە ەكسپورتتالادى.

سونىمەن قاتار، قىزىلوردا وبلىسىندا  شاعىن بىراق جوعارى تەحنيكالىق كاسىپورىندار اشىلا باستادى. اتاپ ايتساق، ماشينا دوڭگەلەكتەرىن قايتا وڭدەپ، رەزەڭكە ۇنتاعىن جانە جەراستى سۋارۋ تۇتىكتەرىن جاسايتىن، قازاقستاندا انالوگى جوق، ينننوۆاتسيالىق ءونىم – رەزەڭكە توسەنىش بۇيىمدارىن ازىرلەپ شىعاراتىن «SmartRubber» (سمارت راببەر) كاسىپورنى جۇمىس جاساۋدا.

شيەلى اۋدانىندا قيىرشىق تاس زاۋىتى ىسكە قوسىلدى.

اس جانە تەحنيكالىق تۇز وندىرەتىن «ارال تۇز» اق ءوندىرىسىن جاڭعىرتۋ جوبالارى اياقتالدى.

اك ءوندىرۋ زاۋىتىنىڭ العاشقى سىنامالىق ونىمدەرى شىعارۋ باستالدى.

جەلتوقسان ايىندا تاعى ەكى جوبانى اياقتاۋ جوسپارلانىپ وتىر: ميا تامىرىن وڭدەۋ زاۋىتى مەن قۇراما جەم زاۋىتى.

بۇعان قوسا، جىل سوڭىنا دەيىن 2,3 ملرد.تەڭگە قۇرايتىن 7 ينۆەستيتسيالىق جوبانى جۇزەگە اسىرۋ جوسپارلانۋدا.

سوڭعى ەكى جىل قاتارىنان كۇرىشتەن مول ءونىم الىندى. بۇل ەڭ الدىمەن ەرتە كوكتەمنەن قارا كۇزگە دەيىن تىنىمسىز تەر توگەتىن ديحاندار ەڭبەگىنىڭ ناتيجەسى. ال، سول شارۋالار قازاقستاندا وندىرىلەتىن كۇرىشتىڭ 90 پايىزىن قامباعا قۇيىپ وتىر. ياعني، بارلىعى 78939 گەكتار كۇرىش القابىنان استىق جينالىپ، ورتاشا ءونىم گەكتارىنا 50,1 تسەنتنەردى قۇرادى. بۇل ەل تاۋەلسىزدىك كەزەڭىندەگى رەكوردتىق كورسەتكىش.

 «بايقوڭىر»الەۋمەتتىككاسىپكەرلىككورپوراتسياسى ارقىلى اۋىلشارۋشىلىعى ونىمدەرىن وندىرۋشىلەرگە ۇلكەن قولداۋ جاسالۋدا. ەكونوميكانىڭ بارلىق سالاسىنا بەلسەنە ارالاسىپ، ءوڭىر دامۋىنا ەرەكشە سەرپىن بەرىپ تۇر. سونىمەن قاتار، كاسىپكەرلىك جانە الەۋمەتتىك سالالاردا دا تابىستى ەڭبەك ەتىپ جاتىر.

قىزىلوردا الەۋمەتتىك سالاعا قارجى بولۋدەن كوش باستاپ تۇر. ماسەلەن، بيىل 122 ملرد. تەڭگە قارجى قارالسا، بقل وتكەن جىلمەن سالىستىرعان 20 پايىزعا ارتىق.

ناتيجەسىندە 3-6 جاس ارالىعىنداعى بالالاردىڭ بالاباقشامەن قامتىلۋى 90 پايىزعا جەتتى. «بالاپان» باعدارلاماسى 2020 جىلى ەمەس، كەلەر جىلى تولىقتاي ورىندالادى. وتكەن جىلى وڭىردە ءۇش اۋىسىمدا ءبىلىم بەرۋ ماسەلەسى تۇبەگەيلى شەشىلدى. ال 2015 جىلى اپاتتى جاعدايداعى مەكتەپتەردىڭ بارلىعى جاڭالاناتىن بولادى.

وبلىستا مەتتالۋرگيالىق كلاستەردىڭ قۇرىلۋىنا وراي قاجەتتى 130 ستۋدەنت رەسەيدىڭ ماڭدايالدى وقۋ ورىندارىندا ءبىلىم الۋدا. ەكى جىلدا 365 تالابى بار تۇلەكتەر وبلىس اكىمىنىڭ گرانتىن يەلەندى.

دەنساۋلىق سالاسىندا دا وڭ وزگەرىس بار. بيىل انا مەن بالا ورتالىعى ەل يگىلىگىنە پايدالانۋعا بەرىلدى. انا مەن بالا ءولىمى، تۋبەركۋلەز اۋرۋىنان قايتىس بولۋشىلار ازايدى. قازىر وبلىستاعى جۇمىسسىزدىق دەڭگەيى رەسپۋبليكالىق كورسەتكىشتەن تومەن. سونداي-اق بيىلعى توعىز ايدىڭ كورسەتكىشى بويىنشا وزگە ينۆەستيتسيالاردىڭ كولەمى 30 پايىزعا دەيىن ارتتى.