ۆيدەو Youtube ۆيدەو جەلىسىنەن الىنعان سكرينشوت

Youtube ۆيدەو جەلىسىندە "پاۆلودار ورىستارى بىرىگىڭدەر!" دەگەن اتپەن ۆيدەو روليك جارىق كوردى (https://www.youtube.com/watch?v=tgDDDbF40X4). ونى پاۆەل استاحوۆ ەسىمدى قولدانۋشى جۇكتەگەن. ۆيدەونى وسى ۋاقىتقا دەيىن 3 034 رەت قارالعان. 206 ادام "ۇنامايدى" دەگەن بەلگىنى باسقان.

ۋكراينا مەن رەسەي اراسىنداعى جاعدايدان كەيىن قازاقستاندى "ۋكراينا ستسەناري قايتالانباي ما؟" ساۋال كەزىپ ءجۇر. ساراپشىلار ونداي جاعدايدىڭ قازاقستاندا بولۋى مۇمكىن ەمەستىگىنى ايتادى. الايدا، جوعارىدا ءسوز بولىپ وتىرعان ۆيدەو تەكتەس ارانداتۋشى دۇنيەلەردىڭ قاراسى ازايماي تۇر. بۇعان دەيىن "مەدۋزا" اتتى سايتتا "وسكەمەن حالىقتىق رەسپۋبليكاسىن" قۇرايىق دەگەنگە ساياتىن ماتەريال جارىق كورىپ، ىلە بۇل سايت "ۇلتارالىق ارازدىقتى قوزدىراتىن ماتەريال جاريالاعانىۇشىن" ۋاقىتشا جابىلعان.

وعان دەيىندە قازاقستاندا رەسەيشىل باعىتتاعى ءىس-ارەكەتتەر بايقالعان. ماسەلەن، 9 مامىر جەڭىس كۇنى قوستاناي مەن پەتروپاۆەل قالالارىندا رەسەي تۋىن جەلبىرەتىپ، ماشيناعا گەورگي لەنتاسىنىڭ سۋرەتىن جاپسىرىپ، قالا كوشەلەرىمەن كولىك شەرۋىن جاريالاعاندار تۋرالى دا كوپتەگەن ماتەريالدار جاريالاندى. ودان كەيىن ۋكرايناداعى قالىپتاسقان جاعدايدان "جاپا شەككەندەرگە كومەكتەسەيىك" دەگەن ۇرانمەن تاعى دا ءبىر "بەلسەندىلەر" باس كوتەرىپ، ارتىنشا تىنىشتالعان.

وسىلايشا، قازاقستان قوعامىنىڭ ءورىستىلدى بولىگىندە رەسەيشىل كوڭىل-كۇي ءالى كۇنگە ساقتالىپ وتىر جانە ول ءارتۇرلى جاعدايعا بايلانىستى قىلاڭ بەرىپ كەلەدى. قازاق قوعامى مۇنداي دۇنيەلەرگە قارسى بولعانىمەن، بيلىك تاراپىنان ناقتى ءىس-ارەكەت جاسالعان ەمەس. قازاقستان بيلىگى كەرىسىنشە، ۇلتارالىق تاتۋلىقتى ۇزبەي ناسيحاتتاپ، ونى مەملەكەتتىك يدەولوگيا رەتىندە كورسەتكىسى كەلەدى. الايدا، ءىس جۇزىندە جاعداي مۇلدەم باسقا...

QJ

Abai.kz