قازاقستاننىڭ ۋرانى 90 جىلعا جەتەدى
قازاقپاراتتىڭ حابارلاۋىنشا بىلتىر ەلىمىزدە 22,5 مىڭ توننا ۋران وندىرىلگەن. الداعى ايلاردا قازاقستاننىڭ اتوم ەنەرگەتيكاسى ءۇشىن الاتىن شيكىزاتىنىڭ كولەمى 3 پايىزعا كوبەيمەك. وسىلايشا ۋران وندىرۋدەن ەلىمىز ءوزىنىڭ الەمدەگى كوشباسشىلىق پوزيتسياسىن ساقتاپ قالادى.
عالىمداردىڭ بولجامىنشا، قازاقستان قويناۋىنداعى ۋران كولەمى 2 ميلليون توننانى قۇرايدى ەكەن. بۇل شيكىزات قورى ءالى 80-90 جىلعا جەتەدى.
ال، قازاتومپروم بولسا تەك شيكىزات وندىرۋمەن اينالىسپاي، الداعى ۋاقىتتا ونى بايىتىپ، اتوم ستانتسياسى ءۇشىن يادرولىق وتىن جاساپ شىعارۋدى كوزدەپ وتىر.
بۇگىندە قازاقستان رەسەيلىك تاراپپەن بىرىگە وتىرىپ، ۋرال مۇناي-حيميا كومبيناتىنىڭ 25 پايىز اكتسياسىن ساتىپ العان. ياعني، كومپانيانىڭ ەندى ۋراندى بايىتۋعا تىكەلەي مۇمكىندىگى بار. جوسپار بويىنشا، جىل سايىن قازاتومپروم 6 مىڭ توننا ۋراندى وڭدەيتىن بولادى. بۇل ءوز كەزەگىندە الەمدىك نارىقتاعى وڭدەلگەن ۋراننىڭ التىدان ءبىر بولىگى. قازىرگى تاڭدا قازاقستان ۋران ءوندىرىسى بويىنشا الەمدەگى ءبىرىنشى ورىندا تۇر.
اباي-اقپارات
