2014 جىلدىڭ 25 – 27 قىركۇيەگى ارالىعىندا الماتى قالاسىندا، قازاقستان رەسپۋبليكاسى ۇلتتىق ۇلانى «وڭتۇستىك» وڭىرلىك قولباسشىلىعىندا قازاقستان رەسپۋبليكاسى ۇلتتىق ۇلانىندا قىزمەت اتقارىپ جاتقان مەملەكەتتىك ءتىل ماماندارى مەن اۋدارماشىلارىنىڭ رەسپۋبليكالىق وقۋ-ادىستەمەلىك جيىنى وتەدى.

وقۋ-ادىستەمەلىك جيىن بارىسىندا «مەملەكەتتىك تىلدە سويلەگەن اسكەردىڭ رۋحى بيىك، ايبىنى اسقاق!» تاقىرىبىندا دوڭگەلەك ۇستەل، ءورىستىلدى اۋديتورياعا مەملەكەتتىك ءتىلدى وقىتۋدىڭ زاماناۋي ءادىس-تاسىلدەرى، مەملەكەتتىك ءتىلدى قازتەست باعدارلاماسى بويىنشا وقىتۋدىڭ ادىستەمەسى، اۋدارما تەحنيكاسى، رەسمي اۋدارما ۇلگىلەرى، اۋدارما ماسەلەلەرى تاقىرىپتارىندا ساباقتار ۇيىمداستىرىلىپ جانە ۇلتتىق ۇلاننىڭ اسكەري بولىمدەرىندەگى جەرگىلىكتى ۇلت وكىلى ەمەس اسكەري قىزمەتشىلەر اراسىندا «مەملەكەتتىك ءتىل – مەنىڭ ءتىلىم» بايقاۋ-سايىسىنىڭ شەشۋشى ءىىى كەزەڭى وتكىزىلەدى.

سىزدەردەن حالىقارالىق قازاق ءتىلى قوعامىنىڭ پرەزيدەنتى، فيلولوگيا عىلىمدارىنىڭ دوكتورى، اكادەميك ومىرزاق ايتبايۇلى، الماتى قالاسىنىڭ تىلدەردى دامىتۋ، مۇراعاتتار جانە قۇجاتتاما باسقارماسىنىڭ باستىعى احەتوۆ ماماي، «نۇر وتان» پارتياسى الماتى فيليالى توراعاسىنىڭ ورىنباسارى، فيلولوگيا عىلىمدارىنىڭ دوكتورى ماتىجانوۆ كەنجەحان ءىسلامجانۇلى، «مەملەكەتتىك تىلگە قۇرمەت» قوعامىنىڭ ءتورايىمى اسىلى وسمان، اقىن داۋلەتبەك بايتۇرسىنۇلى، قازاقستان رەسپۋبليكاسى ۇقك شەكارا قىزمەتى اكادەمياسىنىڭ كاسىبي تىلدەر دايىندىعى كافەدراسىنىڭ مەڭگەرۋشىسى پودپولكوۆنيك دۇيسەنوۆا سالتانات سلانقىزى، قازاقستان رەسپۋبليكاسى ۇقك شەكارا قىزمەتى اكادەمياسىنىڭ مەملەكەتتىك ءتىل ءبولىمىنىڭ باستىعى پولكوۆنيك زىكىرەۆ باقىتجان الىشەرۇلى تاعى باسقا قوعامعا بەلگىلى ازاماتتار مەن عالىم-ۇستازداردىڭ قاتىسۋىمەن وتەتىن «مەملەكەتتىك تىلدە سويلەگەن اسكەردىڭ رۋحى بيىك، ايبىنى اسقاق!» اتتى دوڭگەلەك ۇستەلدى باق بەتتەرىندە جارىققا شىعارۋعا ات سالىسۋلارىڭىزدى سۇرايمىز.

وتەتىن ورىنى مەن كۇنى: «نۇر وتان» پارتياسىنىڭ الماتى فيليالى ورنالاسقان عيماراتتىڭ ءماجىلىس زالى (ابىلايحان كوشەسى، 79-ءۇي، ايتەكە بي كوشەسىنىڭ قيىلىسى) 25 قىركۇيەك كۇنى ساعات 10.00-12.00

اباي-اقپارات