بۇۇ-نىڭ بوسقىندار ءىسى جونىندەگى اگەنتتىگىنىڭ مالىمەتىنشە، سوڭعى كۇندەرى سيريا-تۇركيا شەكاراسىن كەسىپ وتكەن 130 مىڭداي بوسقىندى قاجەتتى زاتتارمەن قامتاماسىز ەتۋ ءۇشىن تۇركياعا حالىقارالىق كومەك قاجەت، دەپ حابارلايدى ۆۆس. بۇۇ-نىڭ بوسقىندار ءىسى جونىندەگى اگەنتتىگىنىڭ تۇركياداعى وكىلى كەرول باچەلوردىڭ ايتۋىنشا، بوسقىندار سانىنىڭ اعىلۋى كەز كەلگەن ەل ءۇشىن كۇردەلى پروبلەما تۋدىرادى. اسىرەسە ازىق-تۇلىك، كورپەلەر مەن قىسقى كيىمنىڭ تاپشىلىعى ايقىن سەزىلۋدە. 

«يسلام مەملەكەتى» توبىنىڭ سودىرلارى سيريا مەن يراكتاعى ەڭ ءىرى اۋدانداردى باقىلاۋىنا العاننان بەرى تۇركياعا باس ساۋعالاپ قاشقان كۇردتەر سانى ارتىپ بارادى. تۇركيا قازىردىڭ وزىندە سوڭعى ءۇش جىلدا سيرينى تاستاپ قاشقان ميلليوننان استام بوسقىنداردى قايدا ورنالاستىراتىنىن بىلمەي دال بولۋدا. 

اباي-اقپارات