قاراعاندىدا رەسەي ازاماتىنان 40 كەلىدەن استام گەروين تاركىلەندى، - دەپ حابارلايدى Tengrinews.kz. وبلىستىق پروكۋراتۋرانىڭ مالىمەتىنشە، قاراعاندى قالالىق ىشكى ىستەر باسقارماسىنىڭ ەسىرتكى بيزنەسىنە قارسى كۇرەس ءبولىمى مەن وبلىستىق ءىىد ەسىرتكى بيزنەسىنە قارسى كۇرەس باسقارماسىنىڭ قىزمەتكەرلەرى قالانىڭ گاپەۆ  ىقشاماۋدانىندا Nissan اۆتوكولىگىن توقتاتقان. تەكسەرۋ بارىسىندا كولىك سالونىنان ەكى سومكە تابىلدى، وندا سۇر ءتۇستى ۇنتاعى بار 40 پاكەت بولعان جانە 36 مىڭ اقش دوللارى سالىنعان سومكە بولىپتى.  ساراپشىلاردىڭ قورىتىندىسىنا قاراعاندا، ءار پاكەتتە ءبىر كەلى گەروين بولعان، جالپى سالماعى - 40,74 كەلى. شەتەل ازاماتتارى قاراعاندى قالالىق ىشكى ىستەر باسقارماسىنىڭ ۋاقىتشا ۇستاۋ يزولياتورىنا قامالدى.

بۇعان  دەيىن دە قازاقستان - رەسەي شەكاراسىندا ەسىرتكىنىڭ ءىرى پارتياسىنىڭ جولى كەسىلگەن. 34 كەلى گەرويندى كونترابانداشىلار قازاقستاننان رەسەيگە الىپ وتپەك بولعان.

اباي-اقپارات