كەشە وقو ىشكى ساياسات باسقارماسىنىڭ ۇيىمداستىرۋمەن  «جۋرناليستىك ەتيكا» تاقىرىبىندا سەمينار-ترەنينگ ءوتتى.

سەمينارعا وبلىستىق جانە اۋدان، قالالىق باق وكىلدەرى، جاس جۋرناليستەر قاتىستى.

جۋرناليستەر ەتيكاسى كودەكسىن قابىلداۋ ماڭىزدىلىعىن ەلباسى «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا 20 قادام» تاقىرىبىمەن جاريالانعان ماقالاسىندا ەرەكشە اتاپ وتكەن بولاتىن.

سەميناردىڭ ماقساتى – جۋرناليستەردىڭ بىلىكتىلىگىن ارتتىرۋ،  كاسىبي دەڭگەيدە اقپارات الۋى مەن تاراتۋىنا جول اشۋ بولىپ تابىلادى.     

وسىعان بايلانىستى، وبلىستىق ىشكى ساياسات باسقارماسىنىڭ باسشىسى بەرىك ءۋالي «قازاقستان رەسپۋبليكاسى ءجۋرناليسىنىڭ ەتيكالىق كودەكسى» بويىنشا كىرىسپە ءسوز سويلەپ، سەميناردى جۇرگىزىپ وتىردى.

سەمينارعا ارنايى الماتى قالاسىنان كەلگەن  بەلگىلى جۋرناليست، قر پرەزيدەنتى سىيلىعىنىڭ لاۋرەاتى «الاش ايناسى» ينتەرنەت گازەتىنىڭ باس رەداكتورى سەرىك جانبولات پەن «مىنبەر» جۋرناليستەردى قولداۋ ورتالىعى قوعامدىق قورىنىڭ جەتەكشىسى ەسەنكۇل كاپقىزى  ارنايى لەكتسيا وقىدى.

الداعى ۋاقىتتا وبلىس جۋرناليستەرىمەن «ەگەمەن قازاقستان» گازەتىنىڭ باس رەداكتورى جانبولات اۋپباەۆ، «ايقىن» گازەتىنىڭ ءبولىم مەڭگەرۋشىسى گۇلزينا بەكتاسوۆا، «استانا» تەلەارناسىنىڭ تەلەجۇرگىزۋشىسى جاينا سلامبەك جانە «اباي» اقپاراتتىق پورتالىنىڭ باس رەداكتورى داۋرەن قۋات ءوز تاجىريبەلەرىمەن بولىسپەكشى.

اباي-اقپارات