بۇل تۋرالى LS-قا سىلتەمە جاساپ NUR.KZ حابارلايدى.

«سەنتراس سەكيۋريتيز» تالداۋ دەپارتامەنتى ديرەكتورىنىڭ ورىنباسارى مارجان ىبىراەۆا ۆاليۋتانىڭ سۇرانىسى مەن ۇسىنىسىنا مۇناي باعاسى جانە رەسەي ءرۋبلى باعامىنىڭ ديناميكاسى اسەر ەتەتىنىن العا تارتتى. قىتايدىڭ ەكونوميكا مەن قور نارىعىن قولداۋ ءۇشىن ۇيىمداستىرىلاتىن مەملەكەتتىك شارالار تۋرالى جاڭالىقتارىنىڭ دا اسەرى بار دەپ سانايدى مامان.

«اعىمداعى جىلدىڭ اياعىنا دەيىن تەڭگە باعامى سىرتقى نەگاتيۆتى فاكتورلاردىڭ اسەرىنەن ودان ءارى قۇلدىراپ، دوللار قۇنى 260-270 تەڭگە بولۋى ابدەن مۇمكىن»، – دەيدى ىبىراەۆا.

ال BCC Invest ساراپشىلارى بولسا، قازىرگى جاعدايدا دوللار قۇنى 250-260-تىڭ توڭىرەگىندە بولعانىن ورىندى دەپ سانايدى.

«بۇل دەڭگەي قازىرگى ەكونوميكالىق جاعدايدى، مۇناي باعاسى مەن رەسەي ءرۋبىلىنىڭ باعامىن ەسكەرسەك، ادىلەتتى. مۇنايعا تومەن باعالار، ءرۋبلدىڭ السىرەۋى، 2015 جىلدىڭ 16-17 قىركۇيەگىندە بولادى دەپ كۇتىلەتىن فقج-ءنىڭ جوعارى مولشەرلەمەلەر قويۋى ۇلتتىق ۆاليۋتا باعامىنا كەرى اسەرىن تيگىزەدى»، – دەيدى ساراپشى.

فقج-ءنىڭ جوعارى مولشەرلەمەلەر قويۋى جانە مۇناي باعاسىنىڭ ايتارلىقتاي تومەندەۋى BCC Invest ساراپشىلارنىڭ ويىنشا، ازىرگە بولا قويمايدى.

«سايكەسىنشە، الداعى ايلاردا تەڭگە باعامىنىڭ السىرەۋى بولا قويمايدى. تەڭگەگە قىسىم ءتۇسىرۋى مۇمكىن جالعىز فاكتور – رەسەيدىڭ ساياسي-ەكونوميكالىق احۋالىنىڭ ناشارلاۋى»، – دەپ بولجامدارىمەن ءبولىستى ساراپشىلار.