باتىستاعى كيىكتەردىڭ قىرىلۋى جونىندەگى مالىمەت بويىنشا اۋىل شارۋاشىلىعى مينيسترلىگىندە (اشم) ارنايى جەدەل كوميسسيا قۇرىلعان بولاتىن. كوميسسيانىڭ شۇعىل اقپاراتىنا سۇيەنسەك،  تەكسەرۋدىڭ العاشقى كۇنى باتىس قازاقستان وبلىسى جانىبەك اۋدانىنىڭ اۋماعىندا ولگەن كيىكتەردىڭ سانى 1200-گە جەتكەن كورىنەدى(بورسى اۋىلىنىڭ ماڭىندا ولگەن كيىكتەردىڭ دەنى نەگىزىنەن انالىقتار). سونداي-اق وسى وڭىرلەردە ءىرى قارا ءتولىنىڭ ءولىم-جىتىمگە ۇشىراۋى بايقالادى. ولگەن مالداردىڭ قارىنى قامپيىپ، اۋىزىنان جاسىل ءتۇستى كوبىك اعىپ، ءىشى وتكەنى بايقالادى. كيىكتەردىڭ ۇشالارى مەن ىشەك-قارنى تەكسەرۋگە ۆەتەريناريالىق زەرتحاناعا جىبەرىلدى. كوميسسيانىڭ جۇمىسى ودان ءارى جالعاسۋدا.

بۇدان بۇرىن ۇستىمىزدەگى جىلعى 15-17 مامىردا وسى جەردە ينسپەكتورلار بۇل اۋداندا اۋا رايى اشىق جانە بۇلتسىز بولعانىمەن شىعۋ تەگى بەلگىسىز سۇر تۇماندى بايقاعان. كوميسسيا مۇشەلەرى ءالى دە وسى ماسەلەنى زەرتتەۋ ۇستىندە.

قر اۋىل شارۋاشىلىعى مينيسترلىگى ورىن العان ەكولوگيالىق وقيعانىڭ اۋقىمىن ەسكەرە وتىرىپ، كيىكتەردىڭ جاپپاي قىرىلۋ سەبەپتەرىن تەكسەرۋ، باتىس قازاقستان وبلىسى اكىمدىگىنىڭ، مينيسترلىكتەردىڭ قاتىسۋىمەن جانە عىلىمي ينستيتۋتتار مەن تجم ۇشاقتارىن تارتىپ، زياندى ەسەپتەۋ جانە وقيعا زارداپتارىن جويۋ جونىندە ۇكىمەت كوميسسياسىن قۇرۋ قاجەت دەپ ەسەپتەيدى.

باتىستاعى كيىكتەردىڭ قىرىلۋى جونىندەگى مالىمەت بويىنشا اۋىل شارۋاشىلىعى مينيسترلىگىندە (اشم) ارنايى جەدەل كوميسسيا قۇرىلعان بولاتىن. كوميسسيانىڭ شۇعىل اقپاراتىنا سۇيەنسەك،  تەكسەرۋدىڭ العاشقى كۇنى باتىس قازاقستان وبلىسى جانىبەك اۋدانىنىڭ اۋماعىندا ولگەن كيىكتەردىڭ سانى 1200-گە جەتكەن كورىنەدى(بورسى اۋىلىنىڭ ماڭىندا ولگەن كيىكتەردىڭ دەنى نەگىزىنەن انالىقتار). سونداي-اق وسى وڭىرلەردە ءىرى قارا ءتولىنىڭ ءولىم-جىتىمگە ۇشىراۋى بايقالادى. ولگەن مالداردىڭ قارىنى قامپيىپ، اۋىزىنان جاسىل ءتۇستى كوبىك اعىپ، ءىشى وتكەنى بايقالادى. كيىكتەردىڭ ۇشالارى مەن ىشەك-قارنى تەكسەرۋگە ۆەتەريناريالىق زەرتحاناعا جىبەرىلدى. كوميسسيانىڭ جۇمىسى ودان ءارى جالعاسۋدا.

بۇدان بۇرىن ۇستىمىزدەگى جىلعى 15-17 مامىردا وسى جەردە ينسپەكتورلار بۇل اۋداندا اۋا رايى اشىق جانە بۇلتسىز بولعانىمەن شىعۋ تەگى بەلگىسىز سۇر تۇماندى بايقاعان. كوميسسيا مۇشەلەرى ءالى دە وسى ماسەلەنى زەرتتەۋ ۇستىندە.

قر اۋىل شارۋاشىلىعى مينيسترلىگى ورىن العان ەكولوگيالىق وقيعانىڭ اۋقىمىن ەسكەرە وتىرىپ، كيىكتەردىڭ جاپپاي قىرىلۋ سەبەپتەرىن تەكسەرۋ، باتىس قازاقستان وبلىسى اكىمدىگىنىڭ، مينيسترلىكتەردىڭ قاتىسۋىمەن جانە عىلىمي ينستيتۋتتار مەن تجم ۇشاقتارىن تارتىپ، زياندى ەسەپتەۋ جانە وقيعا زارداپتارىن جويۋ جونىندە ۇكىمەت كوميسسياسىن قۇرۋ قاجەت دەپ ەسەپتەيدى.

وسىعان بايلانىستى جانۋارلاردىڭ قىرىلۋىنىڭ جاپپاي سيپات الىپ وتىرعانىن ەسكەرىپ، كيىكتەردىڭ قىرىلۋ سەبەپتەرىن انىقتاۋدا جانە وبلىستىڭ ءتيىستى قىزمەت ورىندارىن، ارناۋلى تەحنيكا مەن ۇشاقتار جۇمىلدىرىپ، جانۋارلاردىڭ ءولىم-جىتىمگە ۇشىراۋىنا دۋشار ەتكەن فاكتىلەردى جويۋدا قازاقستان رەسپۋبليكاسى اشم اۋماقتىق بولىمشەلەرىنە كومەك كورسەتۋدى سۇراپ، ۇكىمەت كوميسسياسىن قۇرۋ قاجەتتىگى تۋرالى قر پرەمەر-ءمينيسترى
ك. ماسىموۆكە ارنايى رەسمي حات جولدادى.

ال، وسى ايماققا جاۋاپتى «وحوتزووپروم» وندىرىستىك بىرلەستىگىنىڭ باس ديرەكتورى ب.ءا. وتارباەۆقا ورمان جانە اڭشىلىق شارۋاشىلىعى كوميتەتىنىڭ توراعاسى ە. نىسانباەۆ جايىق تارالىمى كيىكتەرىنىڭ جاپپاي قىرىلۋ سەبەپتەرىن انىقتاۋ جونىندەگى كوميسسيانىڭ جۇمىسىنا قاتىسۋ ءۇشىن ۇستىمىزدەگى جىلعى 21 مامىردا باتىس قازاقستان وبلىسىنا ۇشىپ شىعۋدى تاپسىردى. سونداي-اق وندىرىستىك بىرلەستىكتىڭ باس ديرەكتورى ولگەن جانۋارلاردى انىقتاۋ جانە كادەگە جاراتۋ ماقساتىندا كوميسسيانىڭ باسشىلىعىمەن كيىكتەردىڭ ءجاي-كۇيىن تەكسەرۋ ءۇشىن ينسپەكتورلاردىڭ قوسىمشا توبى مەن مي-2 تىكۇشاعىن باتىس قازاقستان وبلىسىنا جىبەرمەك.