ەلباسى وقو-عا ساپار اياسىندا وبلىستىق ءماسليحاتتىڭ سەسسياسىنا قاتىستى، وتىرىس بارىسىندا دەپۋتاتتار وبلىستىڭ جاڭا اكىمى – بەيبىت اتامقۇلوۆتىڭ كانديداتۋراسىن ءبىر اۋىزدان ماقۇلدادى، - دەپ حابارلايدى اقوردانىڭ ءباسپاسوز قىزمەتى.

بەيبىت باكىرۇلى 1964 جىلى 19 مامىردا الماتى وبلىسىندا دۇنيەگە كەلدى.

1986 جىلى لەنين اتىنداعى قازاق پوليتەحنيكالىق ينستيتۋتىن ينجەنەر-مەتاللۋرگ ماماندىعى بويىنشا اياقتادى. 2000 جىلى سانكت-پەتەربور ەكونوميكا جانە قارجى مەملەكەتتىك ۋنيۆەرسيتەتىن ءتامامدادى، ەكونوميكا عىلىمدارىنىڭ كانديداتى.

1985 جىلدان باستاپ – زاۆەنياگين اتىنداعى نوريلسك تاۋ-كەن مەتاللۋرگيا كومبيناتىنىڭ جەز بالقىتۋ زاۋىتىندا بالقىتۋشى.

1986 جىلدان باستاپ – شىمكەنت قورعاسىن زاۋىتىنىڭ بالقىتۋشىسى، شەبەر، رافيرلەنگەن تسەحتىڭ اعا شەبەرى ت.ب. قىزمەتتەر اتقاردى.

1991 جىلدان باستاپ 2006 جىل بويىنشا جەكە سەكتوردا – ونەركاسىپ كاسىپورىندارىندا جۇمىس اتقاردى.

2006 جىلدان باستاپ – كەڭەسشى، رەسەيدەگى قازاقستان ەلشىسىنىڭ ەلشى-كەڭەسشىسى.

2007 جىلدان باستاپ – يرانداعى قازاقستان ەلشىسىنىڭ ەلشى-كەڭەسشىسى.

2008 جىلدان باستاپ – ماينداعى فرانكفۋرت قالاسىنداعى قازاقستاننىڭ باس كونسۋلى.

2010 جىلدان باستاپ – مالايزيا، يندونەزيا رەسپۋبليكاسى، برۋنەي-دارۋسسالام، فيليپپين رەسپۋبليكاسىندا قازاقستاننىڭ توتەنشە جانە وكىلەتتى ەلشىسى.

2012 جىلدان باستاپ – يندۋستريا جانە جاڭا تەحنولوگيالار مينيسترلىگىنىڭ جاۋاپتى حاتشىسى.

2014 جىلدان باستاپ – ينۆەستيتسيالار جانە دامۋ مينيسترلىگىنىڭ جاۋاپتى حاتشىسى.

قازاقستان پرەزيدەنتى بۇرىنعى اكىم ا.مىرزاحمەتوۆ ۇلكەن جۇمىس اتقارعانىن، ناتيجەسىندە ءوڭىر ەكونوميكاسى تابىستى دامىپ، الەۋمەتتىك نىساندار قۇرىلىسى بەلسەندى جۇرگىزىلىپ، قىزمەت كورسەتۋ سالاسى جۇيەلى تۇردە جاقسارىپ كەلە جاتقانىن اتاپ ءوتتى. نۇرسۇلتان نازارباەۆ ا.مىرزاحمەتوۆتىڭ تاجىريبەسى مەن بەدەلى قازىرگى ۋاقىتتا ەلدىڭ جەتەكشى ساياسي كۇشى بولىپ سانالاتىن «نۇر وتان» پارتياسىنىڭ باسشىلىعىندا قاجەت ەكەنىن ايتتى.

ەستەرىڭىزگە سالساق، اسقار مىرزاحمەتوۆ وقو اكىمى كەزىندە جىل سايىن 16 جەلتوقسان - تاۋەلسىزدىك كۇنى مەرەكەسى وتكەنگە دەيىن وبلىس اۋماعىندا جاڭا جىلدىق شىرشا ورناتپاۋ تۋرالى اۋدان، قالا اكىمدەرى مەن باسقارما (مەملەكەتتىك مەكەمە، ۇيىم) باسشىلارىنا تاپسىرما بەردى. ول  ناۋرىزدى دا جاڭا سيپاتتا تويلاۋدى قولعا العان وبلىس اكىمى رەتىندە ەستە قالدى.

اباي-اقپارات