سينگاپۋر ەلى تاۋەلسىزدىك جاريالانۋىنىڭ 50 جىلدىعىن كەڭىنەن مەرەكەلەدى، بۇل تۋرالدى BBC جازدى.

مەرەكە قۇرمەتىنە ارالدىق مەملەكەتتە اسكەري شەرۋ، وتشاشۋ جانە اۆياشوۋ ۇيىمداستىرىلعان. شەرۋ مەن ونىڭ ازىرلىگىنە بارلىق بيلەتتەر تولىق ساتىلىپ كەتتى. ەلدە مەرەيتوي قۇرمەتىنە ءتورت كۇندىك دەمالىس جاريالاندى.

بيىلعى جىلى 1990 جىلعا دەيىن ەلدىڭ پرەمەر-ءمينيسترى بولعان سينگاپۋر كوشباسشىسى، مارقۇم لي كۋان يۋعا ەرەكشە قۇرمەت كورسەتىلدى. تاڭەرتەڭگى ساعات 9-دان باستاپ تەلەۆيدەنيە مەن راديودان لي كۋان يۋ-ءدىڭ ەل تاۋەلسىزىگىنىڭ دەكلاراتسياسىن وقىعان جازباسى بەرىلدى.

سينگاپۋردا بۇكىل قالا قىزىل تۇسكە مالىنعان، ۇلتتىق كيىم كيىنگەن ءجۇز مىڭداعان تۇرعىندار حالىق سەرۋەنىنە قاتىسۋدا. سينگاپۋردا تەگىن كونتسەرتتەر وتۋدە، اۆياشوۋ، اۋقىمدى شەرۋ ءوتتى. تەلەۆيدەنيە مەن راديو سينگاپۋر تۋرالى پاتريوتتىق اندەر شىرقاۋدا.

سينگاپۋر 1965 جىلى ءوزىنىڭ تاۋەلسىزدىگىن الدى.  پرەمەر-مينيستر لي كۋان يۋ ەلدى الەمنىڭ باي ەلدەرىنىڭ بىرىنە اينالدىردى. ونىڭ ەل باسقارعان تۇسىندا ەل تۇرعىندارىنىڭ 90 پايىزى ءوز ۇيلەرىنە قول جەتكىزدى، حالىقتىڭ جان باسىنا شاققانداعى ءىجو 56 مىڭ دوللارعا جەتتى. 

 لي كۋان يۋ بيىلعى جىلى 23 ناۋرىزدا، 91 جاسىندا ومىردەن وزدى.

اباي-اقپارات