"توي - ءتاڭىردىڭ قازىناسى", "جيعانىڭ تويدا شاشىلسىن" دەيتىن قازاق قۋانىشىنان ەشتەڭە اياعان ەمەس. ءتىپتى كرەديت الىپ، قارىزدانىپ-قاۋعالانىپ توي وتكىزىپ جاتادى. الايدا، سوڭعى كەزدەرى قازاقتاردان ۇيعىر اعايىنداردىڭ تويشىلدىعى ارتا تۇسسە كەرەك. ىلە الاتاۋى ۇلتتىق ساياباعىنداعى الما اراسان شاتقالىندا بىرنەشە كۇن بۇرىن وسىنداي تويشىلدىقتىڭ سالتاناتىنا كۋا بولدىق. بىرنەشە كولىكپەن عانا بارعان قازاقتىڭ جاس جۇبايى شەتەلدىڭ ەڭ قىمبات دەگەن كولىگىن ءمىنىپ، قيقۋلاتىپ جەتىپ بارعان ۇيعىر ۇلتىنىڭ وكىلدەرى كەلگەندە شەتكە ىعىسىپ-اق تۇردى. قىمبات دەگەن 16 كولىكتىڭ بىرەۋىنىڭ شوپىرىمەن سويلەسۋدىڭ رەتى كەلىپ، اڭگىمەسىنەن ۇققانىمىز - توي يەسى وسىنشا كولىكتى جالعا الۋعا 3 ساعاتقا 4700 دوللار اقشا تولەگەن. توي يەسى الماتىنىڭ "باراحولكا" اتالىپ كەتكەن بازارى ماڭىندا تۇراتىن داۋلەتتى ۇيعىرلاردىڭ ءبىرى بولسا كەرەك. 

اقان بەكتاس